因為一個劉德華^^2009新加坡(updated)

6 Nov 09

係牛車水行左一陣, 就趕返connie屋企, 放低戰利品, 阿mok再車我地出去.

因為connie下午機返香港, 我地爭取時間, 一齊食lunch.

我地想食海南雞飯,

講左俾connie聽, d書話劉德話都係去文東記.

嘩, connie一聽到, 就話點解唔早d話佢知, 又話一定要去文東記云云.

我得認, 係我錯.

我唔應該講任何關係劉德華既野,

如果唔係, 佢唔會堅持去文東記.

阿mok會帶我地去佢覺得好食地方.

食完, 阿mok先講, 本地識食之人唔係唔會去文華呀, 文東記e d架喇, 佢地會揀天天or五星.

(唔記得講, 五星係前文東記個總煮開架, 有人去開可以去下, 我d friend話係幾好食架wor, 因為佢地係用唔同雞種, 好似係走地雞呀)

-----------------------------------------------------------

而我, 對雞都有d要求.

細個時, 亞麻會買定d雞係屋企, 食飯前一兩個鐘先劏雞, 再整俾我食.

我鍾意食雞程度, 係俾家人叫雞王....

e家, 我最鍾意食大陸d雞, 細細隻, 但係好有雞味.

本來, 我都知新加坡無新鮮雞, 點會話好好食呀, 但係見d人吹得禁勁, 以為有奇蹟....

點知....

我要記住.......

大多數網上世界都唔係真實既....

-----------------------------------------------------------

又係坐人地車去, 我都唔知我係新加坡邊一處既文東記....不過, 唔駛知, 我e世都唔會再去!

e度當然都係mud到係錢, 碟醬喇, wet tissue都會收返你錢!

燒雞, according to 個waiter, 係好好食wor.

但係, 真實係爆點難食. 又乾又無雞味

海南雞.

無雞味.

之後esther話, 基本上所有香港黎既人, 去親邊間新加坡食雞都話唔好味, 香港d好好多. 我都相信係.

食海南雞飯, 都係去香港喇.

西貢d雞飯, 都好過e度d 9條街.

菜, 正常野.

腸粉!!!

我地竟然係新加坡食腸粉!

無辦法, 我有個旅居外地好耐既friend.

ok喇.

但係價錢就驚人lor, 一碟腸粉要7個幾波紙.

全場唯一好食既野.

炸豆腐.

難以想像地好食, 個漿整得好薄, 好脆.

雖然d雞超唔得, 但係個辣椒醬就非常正lor.

我即掃兩瓶返香港.

e餐顛lor, 食埋e d白癡野, 4條友食左4百幾皮港幣.

仲要係

我同carol請客lor!!!