九龍香格理拉免費自助餐

由於，我係係九龍香格理拉擺酒既關係

又突然醒起我冇試過果到既buffet

所以，就問左個event manager可唔可以免費比我試下

佢比到4個免費既位比我

當然，我就要同埋我既伴郎，伴娘去食返餐啦

我地成7點半先去同再等埋男朋友先開始食

(因為果個moment我地都以為個buffet係去到10:30pm)

咁我地齊人就開始食最鍾意既海鮮，魚生

不過，魚生好少款呀

到而家為止都係得洲際有帶子刺物食

最最最好食既海鮮竟然係蟹，同男朋友一人食左一個蟹蓋

之後，就開始食下熟食同沙律

個沙律都唔錯呀，因為唔係我自己攪，係個姐姐幫我地整~~~

呵呵，而家真係好鍾意食沙律....好健康呀!!!!

食食下，突然之間有個waiter走埋黎問我地飲咩

仲講左句...我地個buffet到9:30pm!!!!!!!!!!!

我地即刻成個彈起，因為我地仲未食甜品!!!!

我同伴娘即刻action，走去揀唔同既甜品

一定要試晒佢地為止

拎到返埋位...真係想講一句: "一群餓狗"

哈哈，不過呢餐buffet食左好多，傾左好多

成個人好開心~~~

同埋我會好記得伴郎想點樣同伴娘求婚

我一定會全力協助!!!!!!!!!!!!!!!!!!!!!!!!!