這是小女貝加的近作，她就2歲7個月了。可能平日她會跟我上課，加上有少許遺傳吧，耳濡目染下，也喜歡畫畫、做做圖工等。
以下是她一次過畫出的幾幅作品，我只是作為啓導者，運用她日常接觸的事物，跟她一邊閑聊、一邊鼓勵她畫岀來。全部過程我只會口述，没有插手她怎樣畫，我只想透過她的畫看看她的世界，原來真是出乎我意料！
想不到她已初部掌握到線條、形狀、各種物件的形像概念，還有她的聯想！
第1幅：消防員
媽：貝加，你睇報紙上有張相，係火燭呀，好大火，消防員叔叔要救火。不如你都畫張消防員叔叔救火呀？
加：好呀
媽：咁你畫啲大火先呀！（於是貝加畫許多線條，就是火！我從没教過她這樣畫！Surprise!）仲有消防員叔叔噃，揸住水喉，唦、唦、唦救火。（之後貝加畫了個消防員，已掌握到有頭、眼睛和身體了）
第2幅：的士與交通燈
媽：貝加，你畫架的士畀媽媽，的士是有車轆㗎喎。不如畫埋支交通燈啦，嗨，你知唔知交通燈係乜嘢色？（貝加一邊上色一邊喃喃自語：紅燈停、綠燈行⋯⋯）
第3幅：貝加踩三輪車
媽：畫貝加踩三輪車呀，貝加好鐘意踩三輪車㗎！仲有學校裡面的好朋友一齊同貝加玩，係邊幾個好朋友呢？
加：係峯峯（左上）同祖恩（中下）⋯⋯
媽：咁你畫埋佢地出嚟啦！
第4幅：陳醫生
媽：哈哈，不如畫陳醫生呀！佢帶住聽筒㗎⋯⋯陳醫生有冇畀葯水你呀？
加：有，放係袋度⋯⋯（見有一小撮綠色綫條就是葯水了）
xyz 2009-06-26 18:50