小指頭親子工作坊的由來

小指頭親子工作坊係我同Pinky喺MSN閒聊出嚟意念，我倆有感時下嘅父母好喜歡於小寶寶生日嘅大日子，DIY一啲有紀念性嘅禮物送俾佢哋，例如：DIY Tee、DIY 相簿等，但好多時礙於缺乏製作經驗，及所需嘅配套資源，仲有最缺乏嘅寶貴時間！好多時都只有個「諗」字，或做做吓半途而廢！

於是我哋諗到用我哋嘅所長，搞一個集繪畫／塗鴉、手工、遊戲同親子嘅Playgroup。我哋好强調親子，所以有別於一般嘅Playgroup, 我哋想做到真正一家人：包括爸爸媽媽，同小寶寶一齊去體驗，一齊去享受整個創作過程！

小指頭第一個親子活動就係DIY Tee，由爸爸媽媽同小寶寶一齊創作一件Tee, 爸爸媽媽負責調顏色, 小寶寶就用十隻小指頭任意發揮！出來嘅效果好理想，大人同小朋友都好開心，亦同時奠定咗我哋小指頭親子エ作坊嘅理念同特色！

「你快樂，於是我快樂」係王菲嘅歌其中一句歌詞，好切合我哋嘅心情，亦係我哋要做得更好嘅推動力！