生日快不快樂?!

咁多年黎的生日都唔係話過得好特別,係呢六年黎我好記得我有兩年的生日係喺醫院到過,因為哮喘所以真係煩!

係呢十年黎我覺得過得最開心的生日諗起原來唔係同我老公一齊!

我記得由細到大我屋企都唔係點搞咩生日,所以以前的生日咩都唔記得!

我諗我最難忘的生日真係發生係911個單野個年,因為我記得我出黎做野都做左一年到!我仲記得個日我放假,突然收到電話,話公司好忙,個時我做salon,咁一唔夠人我都會坐的士返公司幫手,個時好似係九點幾,而我做左咁耐,都未試過話九點幾會好多人....

不過富哥叫到我返我一定會返,之後返到去,見到一個人都無,我都係十點返到去,黑文文,未開門?!心諗...玩野!?之後又收到富哥電話叫我即刻幫佢開門,(咁我有key)開左之後...好感動呢,佢地推左兩個蛋糕出黎,may姐仲話知我鍾意食杧果同藍莓芝,所以買兩個,....我即時喊左出黎,真係好少會咁感動同有人咁有心思安排我的生日...

今年生日,我都為自己安排左幾個活動,生日飯都食左幾次啦~希望今年係我同我老公一齊咁過返個開開心心的生日啦~~