annual dinner.. & 唱k & 唱k...

網誌分類：未分類 |

網誌日期：2009-01-19 02:07

2009年01月10日 (星期六)

今日公司annual dinner.... 放工時間早... 同傻佬係九龍城食lunch.. 跟住行九龍城廣場...買o左頂帽... 臨走個時仲比我撞到raymond同寶寶添... 傾o左幾句就走人喇... 傻佬車o左我返屋企... 一陣接返我去尖沙咀... 去到酒店門口join埋joan先一齊上去...

今次間酒店環境麻麻地... 好似無上次個間咁靚... 我地一入到去... 好似變o左我地o既影相世界... 乜都影一餐... 好搞笑... 不過好可惜... 今次抽獎無我份... 唉... 有d失望... 諗住有二百蚊cash架嘛.... 算啦.. 下次再o黎過~~ 食完再去隔離唱k... 老細叫到... 當然要去啦... 唱到點半先走人...

再搭的士去旺角join班小學同學... 一入去.. 嘩... 好多人... 仲比我見到阿狗囉!!! 無奈.. 仲係度唱歌添... o岩o岩入去個時佢地影緊相.. 我係咁做攝石人添... 哈哈哈~~ 今次係周茵同阿佩生日... 梗係要同佢地影下相啦... 呵呵~~

因為太多人... 我o黎o左個幾鐘都無得坐囉... 聽佢地講話唱通頂...然後再飲茶... 點知豪仔兄佢醉o左... 搞o左好耐都搞唔掂.. 我地仲係佢隻手度畫公仔添... 搞o左成個鐘先抬得起佢... 仲係咁嘔... 驚驚... 兆倫哥同佢大佬一架車... 我~阿佩.. money.. connie就坐佢個fd架車返青衣..

返到屋企沖完涼... 搞呢搞路成8點先瞓... 坐係電腦凳度瞓囉.... 事關約o左ellen 11:45am係青衣城等... 相信我一瞓落床度就一定唔知醒... 所以坐係度瞓係唯一選擇... haha~~