2008年11月21日 (星期五)
今日終於有機會見營養師喇... 臨走個時... 個個屎人輝哥唔知佢咩心態... 知道我早走係去見營養師... 係度話：『e.. fanny你去見營養師呀? 你咁o既身型仲要去見營養師? 你唔夠營養咩... 你已經好夠營養喇wor... 』... 我頂... 你地聽到會點... 真係火都o黎呀... 屎人嘉嘉已經笑到收唔到聲... 又話我虎背熊腰...激死人喇.... 拿拿聲執野走... 費時又比佢話... 哼哼哼... 好興呀~~~!!!!
出到荃灣... 忍唔住買o左跳舞隻game喇... 落o左一百蚊訂先... 跟住先去見營養師... 今次磅...好可惜.. 瘦得個少少... 無奈... 點都好過肥返... 佢又減我餐單喇... 衰人o黎架... 聽日生效... oh.....
跟住就買o左張被... 係呀.. 我又買被喇... 新個張又比薯仔咬爛o左... 我好憎我自己點解唔係牙醫.. 如果唔係我一定拔走晒著仔d牙佢... 咬我d被丫拿... 哼哼哼~~~個個阿姐見同我好傾... 賣50蚊比我咋... 本應80蚊... 後尾見就快收工比我60蚊... 跟住我比o左100蚊佢... 佢拎o左張50蚊出o黎... 就講：『唉~ 見同你咁好傾.. 我收你50蚊好喇... 』haha... 好好o既阿姐呀...多謝晒~~
買完阿joe飽佢地打比我喇...我約o左佢地打邊no.. 今次有好多人呀... 有成12個... 有阿妹啦.. joe飽啦... 阿j啦... eva啦.. bonnie... 大生... 小新... 浩然... 早n同埋阿jeff... 陣容鼎盛... 勁呀... 阿妹又發揮佢o既本色喇... 食食食.. 都係食... 後尾比阿joel個句笑死.. 佢話阿妹：『阿妹... 你舊金菇好似d光纖咁... 點敢郁你呀...』... 笑到我眼水都標埋出o黎... 跟住我放o左d肥牛落去.. 同阿妹講...：『阿妹.. 我對你唔住呀... 我塊肥牛覆蓋o左你舊"光纖"添....』隨即d人個個都係咁大笑喇... 哈哈... 我自己講完都係咁笑呀.. 哈哈哈~~~
食到11點就走人lu... 我今次o黎o既重要任務亦都做o左... 呼~~~ 安落晒.. 返到屋企睇埋女人唔易做先至瞓... 好睇呀.. 呢套戲~~~
圖像025.jpg
圖像024.jpg
圖像020.jpg
