唱通頂KKK~~

2008年10月18日 (星期六)

前個2日唔寫喇... 都係咁上下... 無咩事發生.... 呵呵呵~~

今日放工時間係6點... 真係做六日工呀... 陰公... 傻佬接o左我之後... 渣o左去apm度行下... 係Italian tomato食野... 唉.. 我又食蛋糕喇... 把口真係唔聽話... 把口唔聽話... 咁唯有做運動啦... 唉~~

食完行多陣... 傻佬又買佢d小新... 我... 買o左個海綿寶寶o既髮夾... 哈哈.. 如果我夾o既話... 會唔會好怪...同好低能呢... um... 呢d有待見証... 哈哈哈~~

行完就返返青衣先... 約o左家姐同哥哥去唱k... 兆倫哥都有叫我去架... 但係我見應承o左家姐先... 所以就推o左喇... 後尾先知道原來我地班人裡面... 有個人唔開心... 所以先有今次o既聚會... 依家個心其實好唔舒服... 唔知佢有冇事... 又唔敢send sms比佢... 驚佢又諗起而更加唔開心.. 唉... 我應該點做好呀???

你要加油加油呀... 我地成班人都橕你架~~ 雖然唔係真係同你太過熟... 但都希望你會明白我呢番心意.... 頂住呀!!!