2008年10月04日 (星期六)
尋晚實在太好瞓喇... 當我地醒個時已經9點半喇
... MEME麼麼又搞到成差唔多11點先出門口... oh... 無free早餐食lu.... 首先我地行o左個地下街先... 急不及待買o左好多"彎彎"o既精品... 買完就出發去烏來喇
... 我地搭完捷運再轉搭的士上去烏來呢... 個個路程個feel好似搭大嶼山去大佛寺度咁... 上到去先知道古洞因為比早前個颱風"薔薇"搞到段路比d大路封住o左.... 所以無得去
... 又無小火車搭wor.. 諗諗下真係唔抵呀
...
↑興奮o既我... 手臂超大隻....
↑3仔乸同靚靚o既瀑布~~
↑栗子頭在此一遊!!! 
↑條樓梯可以助我減肥~~~ 痴線架~~~ 行屎人麼~~
↑雲仙地圖~~~
↑點解洗手間要咁寫法呢~~??
↑有d興趣.. 但係見無乜人入去玩... 所以無玩~~
↑條河兩折色架~~
↑嘩... 好鬼高~~
(<-- help~ 畏高中...)
唯一最開心o既係食當地整o既"溫泉蛋"... 真係超爆好食架... 本想食多個... 但係驚膽固醇過高... 所以最後都無食到... 依家諗返起... 真係好想再食多幾次呀
~~~
↑正呀... 好想再食呀~~~
↑拍照留念先~~
行到咁上下... 又影下相... 坐低係某間餐廳度hea下... 整o左碗"貢丸湯"... 味道都ok啦... 食完再繼續周圍行下喇... 我又比個d"腸"吸引住... 於是又整o左條o黎食... 又買o左杯"蜂蜜粉圓"o黎飲wor... 味道都唔錯丫~~~ 行晒就搭返d巴士出返去喇...
↑貢丸湯... 價格港幣5蚊~~
搭o左成個幾鐘先出返到市區... 我地仲要係過o左幾個站先知道miss o左台北個個站... 唉... 無辦法啦... 再搭返捷運返返過去... 原來我地過o左4個站... haha... 好睬問一問個司機咋.. 如果唔係真係無止境咁繼續坐落去呀
~~唉~~~
跟住去o左西門町度行...買o左勁多野... 呢d都係手信... 真正自己野都無乜.. um.. 我買o左2件衫囉... 因為我拎少一日衫... 第四日就會無衫著架架喇... haha... 行完就去華西街度掃雞... 睇到好多好驚嚇o既野... 睇到條粗過我手臂o既蛇係度食緊隻白老鼠.. 嘩... 嚇死
~~ 跟住再行落去又見到個男人示範"湯"蛇wor.... 湯完佢d蛇膽呀... 放晒佢d血呀... 條蛇仲郁架... 好恐怖呀... 我隻手比傻佬揸到變晒形囉.... 陪湯藥費丫... 唔該~~~
↑華西街~~
↑嘩... 粗過我手臂... 佢口中有少少白色一點個個就係老鼠尾o黎o架... 影唔切兼比人話唔準影相~~
我地一路行就周圍望下有咩好食喇... 傻佬食o左碟炒羊肉.. 而我唔知食乜好.. 最後買o左雞絲飯返去食喇... 仲買o左鹽酥雞... 超好食呀... 又勁平wor... 如果我住台灣.. 我一定係一個超級大肥婆呢~~ 呵呵~~~
↑好多野食呀.. 都唔知食乜好~~~
↑手上個塊係雞腎... 食唔晒... 比o左傻佬~~
↑我o既晚餐... 左係鹽酥雞(超好食)... 右係雞絲飯.... 正~~
圖像2925.JPG
圖像2924.JPG
圖像2923.JPG
