第一次見私家醫生

2007-10-20

為咗証實魔怪既存在,睇私家醫生照電腦掃瞄就一清二楚啦,不過原來得5週幾既魔怪,只係得一個水囊咁,仲未成形,問醫生咁個胎算唔算穩定,醫生話未知架,要再多兩星期至可以定論,不過慶幸既係魔怪並不是宮外孕,同埋子宮壁都好健康,但我話我成日都感覺到子宮收縮痛,醫生又話,唔見紅就無問題啦,過兩星期再黎睇過啦

等比錢同約下次見醫生既時候,姑娘問我知唔知家陣有咩唔可以做呀,我話係咪唔可以跳樓梯同跳床呀,姑娘話呢兩樣一定唔可以做啦,另外按摩: 腳底同尾龍骨更加唔得啦,生冷野:魚生果又唔食得啦,驚肚痾,所以要小心d啦,見紅就要即刻睇醫生喇

呢次睇完醫生有d好唔實在既感覺,因為仲未証實到魔怪既存在,加上有時候子宮收縮得很痛,好驚好似上次咁無幾耐就離我而去......