tor仔很辛苦!

未有bb前都訪問過唔少做o左人阿媽個d人, 大家對tor仔o既感覺都好唔同, 有d tor成10個月都冇咩事發生, 暈嘔, 水腫咩都冇, 有d就話嘔過幾次, 有時暈下咁, 自覺應該都唔會太辛苦...直至發生係自己身上, 真係咁大個女都未試過咁辛苦, 意志少d都崩潰...

由2個月開始已經成日唔舒服, 每朝起身例必反胃幾次, 刷牙更加唔駛講, 唔好彩o既就會嘔埋d唔知咩出黎(黃黃綠綠的水);每一餐食完都會開始作嘔, 嘔都唔緊要, 你一係lelelala同我嘔o左佢, 又唔係o既, 死要係個肚度搞成個幾鐘先嘔得出(本人平生最怕嘔同肚all)嘔完又冇晒意慾食野, 可以話係成日都唔會肚餓, 只有食梳打餅先唔會有搞肚作嘔感(但只限3塊);2個半月之後, 情況越來越差, 每一日都要同d食物搏鬥咁, 望住個早餐要成半個鐘先可以開始食到...仲要分2餐食(個一半就係lunch來), 每次食完都會同個胃駁鬥一餐, 唯一可以戰勝佢o既時間就係訓係度, 佢翻湧情況即刻會好d...但每日返工只係lunch個一粒鐘可以咁做. 其他時間都係要ready係就嘔就嘔o既備戰狀態之中~

到3個月, 人人都話會轉好o既時間, 我亦開始如願以償, 並唔係已經唔作嘔, 而係食d咩都lelelala嘔晒出來, 快到你唔信~所有食落肚o既野唔駛10分鐘全數回吐, 當然係呢段時間已經睇o左醫生, 嘔藥都食過晒, 咩止嘔方法都試過, 但尾期真係嘔得太快, 結果係食咩嘔咩情況底下, 我超過24小時冇野落過肚, 開始有d手軟腳軟, 睇野有雪花, 成日都只係訓係張床上面, 見事態已經失控, 我唔想個bb同我會死係間屋度(個刻真係有咁o既感覺)唯有到醫院求診, 結果醫生見意留院控制情況, 一住就住o左4日~

醫院果然係醫院, 佢係有辦法令你會舒服返, 頭個2日都冇咩點食野, 吊住鹽水同飲埋d好難飲o既唔知咩就已經ok, 所以已經冇再作嘔; 同埋佢開o左另一隻新藥我食, 食完真係眼訓到咩咁, 基本上係醫院呢幾日好似冇咩點醒過...出院之後繼續跟醫生方法食藥, 係返屋企個一晚作作地嘔之後, 第2日訓醒覺就完全冇晒先前例必反胃o既感覺, 佢就好似熄o左個大制咁, d嘔感同搞肚感冇lala唔見晒...直至而家都冇再作嘔lu, 真神奇!

我覺得呢2個幾月真係好似發o左場夢咁!(一個唔希望再發o既夢)
我而家一見有老婆o既男人就講 : 對你老婆阿媽好d呀, 生仔好辛苦架!!!!!!!!!!!!!!!!