肥膏生產記

2009-05-07 QEH 覆診

我同醫生講,近期成日身痕,

又唔係皮膚敏感,痕到成晚瞓唔好,

醫生話要抽血驗吓,

驗吓肝腎功能,

因為肝腎功能都會有身痕既情況

2009-05-08

1230hrs　QEH 打電話俾我,話我的肝酵素很高,要入院,姑娘叫我帶埋走佬袋,大獲,老公又返工,工人又唔識路,於是打電話俾阿媽,原來佢打僅牌,我於是沖個靚涼自己入院

1430hrs　去到Block L, 隨即入院,仲有二等房添,正!!

1500hrs　Admit Bed 8, G11隨即要度肥膏心跳同movement

醫生巡房說我的肝酵素很高,因為我已足月,繼續落去對大人同bb都唔好,問我同唔同意催生，呢個時候,你講咩我都要同意啦,我知鬼咩,又check吓子宮頸話有4-5分,之後姑娘塞了一粒紅色既藥入陰道,話可以令子宮頸擴大,幫助催生

2009-05-09

0800hrs　食早餐

0900hrs　醫生來了，說子宮頸開有6分，剛剛合格可以開始催生,我急忙打電話俾老公,老公話佢剛剛收工,可以即刻趕黎,不過我話黎都無用,因為甲型H1N1流感關係，已停止讓老公陪產

1000hrs　一行3個大肚婆,浩浩蕩蕩去產房催生,入到產房, 一人一間大房,仲有大電視remote control 可轉台,有輕音樂有land line電話,環境都幾好

1035hrs　老公趕到,仲好醒叫d姑娘俾我打電話俾佢,不過姑娘叫我叫老公返屋企先,佢話我第一胎,凌晨生到都偷笑,我於是叫老公返屋企休息吓

1100hrs　終於醫生黎,佢幫我人工穿水,都幾痛,要聞笑氣止痛,仲有吊催生藥,我開始有d口乾肚餓,不過d姑娘話唔俾飲水食野,我灰到爆

等吓一個鐘, 等吓一個鐘,我痛都唔痛吓,每次痛都係因為醫生入黎check子宮頸,每次都話未開,仲話我仲乜咁西利,咁忍得痛,我怕痛怕到死啊,個子宮頸開都唔開吓,痛鬼痛馬咩,姑娘又問我有無m痛既感覺,我話我都唔會m痛既,激到佢爆炸,又聽到佢地話d催生藥已經落到好濃,成18滴,唔可以再高....

1900hrs　開始有dd痛,要開始聞笑氣止痛,不過都唔算係好痛,助產士見我仲可以談笑風生,都打定輸數,幫我插定尿喉,話如果要開刀有用

2010hrs　醫生黎話催生唔成功,要開刀,仲打埋電話俾老公通知佢,仲俾我同老公講兩句,老公話即刻黎同我加油,之後有一棚姑娘入黎準備,好快又有麻醉師入黎,我仲同佢講笑話好高興見到佢,因為好快就可以見到膏膏喇

2030hrs　我仲轉台睇我致愛既"舞一叮"

2045hrs　老公到咗產房外

xxxxhrs　開始由產房去手術室,不知是緊張定係凍,全身開始震顫,雙腳抽筋,出產房一刻仲見到老公同我打氣,去到手術室,真係凍到爆炸,全身都震過猫王,要兩個男麻醉師捉住我唔俾我郁先打到針,因為半身麻醉,只知佢响背脊吉咗兩針,之後用冰check吓我有無feel就開始喇,全程上半身有知覺,不久聽到醫生話"準備",相信係膏膏要出黎喇,有bb喊聲,仲聽到佢講出生時間,之後又俾我望吓膏膏係女仔,同pat pat有達痣,不過都仲要等,等醫生善後,但我又開始唔耐煩,個人十字架咁瞓咗咁耐,對手有d痺,對手周圍郁,又俾人捉住對手,到出咗手術室個身都仲係咁震

xxxxhrs　膏膏返G11先,老公攔路途截劫,成功同膏膏影相

入到病房,終於可以同膏膏有親密接觸,仲俾老公入黎一陣探我地