Cheap Cheap High Chair

一早已經想買High Chair 同BB車,

不過d價錢太貴一直都無落實買,

肥膏大姑丈本身做exhibition,

一早放風話4月有個BB用品玩具展,

不過係俾d批發商去既,

到時會有我地想要既野,

於是特地幫老公申請個証入場,

証件包埋機鐵票同現場咖啡一杯,

老公話可以節省d車錢,

講到個Exhibition 係俾批發商去訂貨,

其實我地好似無野可以買咁,

不過d booth通常都會帶d貨版去,

到exhibition完咗又懶得拎d野走,

呢個時間就係我地去買野既時候,

因為我腹大便便,係人都知我係去買野啦,

所以去買野既重任就交俾老公,

老公响exhibition其中一日預早入去睇吓有咩好野,

去到佢話d BB車一係唔賣, 一係就ma ma地.

所以佢主攻High Chiar,

佢睇中咗呢間公司既其中一架 ¥280,

我就鍾意呢架舊款小小,靚d,

老公同參展商講聲,參展商叫佢最後一日去買兼取貨,

點知最後一日老公去到,

個參展商話張high chair俾第2個人買咗,

原來老公仲天真過天真嬌,

以為指吓個鼻人地會留件貨俾佢,

d生意人不嬲都認錢唔認人架啦,

結果得番呢一張,

不過是但啦,呢一張係無咁多function,

只係¥180,好過無,於是買咗呢張,

不過講到明個Exhibition係俾d批發商去訂貨,

其實係唔可以零售,

有d食蕉睇住,

咁大件貨又攞唔到出場館,

最後都係靠肥膏大姑丈

千方百計偷運張high chair出黎

真係辛苦哂!!!

老公話一定要讃吓佢,

因為佢話好辛苦出入機場兩次,

又搬件貨返屋企,

要大家表揚吓佢,

雖然我覺得佢有d辦事不力,

攪到肥膏無咗張靚靚high chair,

不過都叫做有張又平又正既high chair,

算係mission complete 啦,

大家不妨响度表揚吓"天真嬌"啦!!!