鮮蝦雲吞米線 + 腐乳唐生菜 + 許留山 ( 27-oct-2009 )

( 27-oct-2009 tue )

噢   放咗兩日半假  心情真係好好多呢   一番到又星期二仲覺得特別開心 d  咁呢

今朝有運行   因為塞車   所以遲咗   我去另一間食早餐   食完已經 9 點 20分   一出去見到老闆兩公婆過緊馬路    好在無去食開果間   唔係真係一齊食一齊走咯     估唔到老闆會咁遲   咁即係代表第時一過 9 點就唔好入去食   情願行遠小小食好過 lu

free 呀 free 呀  雖然可以上網真係好 free    日日咁睇真係睇到眼濛濛   有 d 攰呀 

番工等 lunch   lunch 等放工   唔知係咪個個都係咁諗嘅呢

晏晝買嘢番菇場食啦   行下吸下新鮮空氣    不過又唔想行太遠   費事又亂買嘢   女人真係好難節制啊 

呢日叫做放假後第一日番工    所以晚餐盡量以超簡單方便為主呢

是日懶餐 - 鮮蝦雲吞米線 + 腐乳唐生菜

鮮蝦雲吞米線 - 雲吞外賣嘅   $12 / 6 粒   好爽口    不過就最唔鍾意佢隻手又拎雲吞又收錢囉   好唔衛生家嘛    次次番屋企都要沖下雲吞皮先煮   但雲吞皮又薄喎  整到爆開哂 d 餡   唔靚仔家嘛    米線就係壽桃牌雪菜火鴨絲米線   個味一 d 都唔似雪菜火鴨絲嘅   都係蕃茄味好味 d 啊   

腐乳唐生菜 - 其實真係唔鍾意食生菜     但就最鍾意生菜唔駛浸咁耐    所以如果想食菜又唔想又洗又浸    食生菜就係首選    再點埋腐乳   超好味呢

搞掂哂所有嘢就同里奧大人去還碟    再去許留山食龜苓膏   我就食糖不甩   唉   一心諗住用埋 d cash coupon  點知原來 2月尾已經到期   即係廢啦     

番到屋企再食巨型番鬼荔枝    家姐特登買比我架   重 1.9 磅    最鍾意切到一大舊  一大啖一大啖咁食   超滿足呀   今次要分兩餐食   因為實在太飽同埋太大個呢