Faster Jason！Kill！Kill！

圖中呢位拎刀的仁兄，叫Jason，（唯一）專長，是殺人。

Jason，是荷里活B級血殺片《Friday the 13th》（即《黑色星期五》）的主角，由1980年至今，已拍了10.5集（其中一集有《猛鬼街》的Freddy搶走一半戲）；新一集，由Michael Bay監製，早排靜悄悄地上映了。

唔知點解，我居然是Jason Fans。

老實講，在芸芸血殺片中，《Friday the 13th》只屬二、或三流貨色，故事及拍攝技巧都比其他同類型電影差，偏偏，卻又是拍得最多續集的一齣。亦因為中三時睇過，《Friday the 13th》第三集，我迷上了Jason，直至早幾年，終於睇晒。

又老實講，10.5集中，只得幾齣比較好睇，其他的，都稱得上是垃圾，只要睇多幾次，基本上你可以估到幾時有人被殺邊個會死邊個可以逃出生天。

如果你都有興趣投入Jason的內心世界，以下是少少觀賞建議：

第一集：must see，不過負責殺人o個位並唔係Jason。

第二集：系列中最好睇的一集。

第三集：記載Jason首次笠上曲棍球員面具的歷史性時刻。

第四集：另一新系列的開始。

第五集：幾廢。

第六集：更廢。

第七集：有少少新意，最後高潮位是Jason大戰超能力鬼妹。

第八集：超廢，片名叫《Jason Takes Mahattan》，但四分三時間，都在一架「濕狗」郵輪發生——弊在我都有睇。

第九集：OK，並交代Jason一些之前從未提及的身世；最後一個Shot，仲有一個大驚喜！

第十集：飛向太空，娛樂性尚算豐富，而又幾胡鬧，我鍾意！

外傳《Freddy VS Jason》：普普通通，不過偏肥女主角勝在夠大——波。

以上每一集，統統都有出VCD。除了第9集，只得英版2區DVD。

無聊的本人，除了睇勻以上咁多集，曾經有意寫成一篇長文《A Trip to the Crystal Lake》進一步闡釋（只要睇過任何一集，自然會知道Crystal Lake係乜），寫了開頭，有時間再寫埋落去。

至於最新的一集，基本上是將頭三集元素撈埋的一次reboot。

普通啦，不過我都有入戲院睇。