FREE PHYSICAL & 肥肥給我的小驚喜

早前收到由東亞銀行信用卡送出的《免費3個月瑜珈&健康器械服務 及一項免費美容療程》包15張健康舞8班，只需交$100報名費便可。以前當我收到呢類型的宣傳我都不會理會，甚至吾會花金錢去JOIN什麼健身服務。但近年已經冇再報名玩馬拉松運動方面少咗!!加上發覺有小肚腩的出現，所以要諗辦法趕走佢。咁啱今次又比我收到呢個宣傳活動，咪當叫自己要做番多D 運動。

(呢個係NOW )

今日由肥妹(肥妹仔本身係會員)帶我去銅鑼灣利舞台分店玩(LADIES ONLY)，放工先去南記食至愛的【酸辣春卷小鍋米線】，食飽後便上去做登記。15-20分鐘辦理好手續，換咗運動服便開始玩器械。全程玩咗踏步機、跑步機、焗桑拿....，冇報名玩瑜珈、KICK BOXING (每項扣2張健康舞劵)。利舞台個場吾算大，當你玩KICK BOXING / 瑜珈...項目，都會係在場中間用圍欄隔開便是。玩咗1.5鐘左右，便沖涼離開。

咁多年冇玩過器械，今次覺得幾好玩，樣樣玩5-10分鐘，下次會努力D玩20-30分鐘。(我並不是因為下年做新娘子而去玩，真的自覺運動神經差咗~~)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

<驚喜>

由於肥肥八點鐘已落咗銅鑼灣等我，本來佢係想去漫畫CAFE - 佐熊，但吾知係咪執咗，所以肥肥獨個兒去咗總統睇鬼片10:00 p.m. 完(因為我吾睇恐怖片)。我離開physical 後去咗買香水，見時間差不多便行去總統等肥肥。突然有人出黎，手執一大技粉紅色花花，哈哈~~原來係肥肥，佢話好耐冇送花比我wor，所以買黎比我。本來我哋去台灣影婚照我都諗住買一技咁大技的花花，但好似好難pack 入喼，最後帶咗一技細細的花。

多謝~~~肥肥。