我和醫師有個約會

自從幾年前因不明原因的高血壓入公家醫院整理過後，肥媽便成為長期病患，到專科門診部覆診是年中的例行公事。

今天，我的覆診時間是下午三點，診症室外坐滿了人，聽說兩點的症還未見醫生。有人問：那醫生到了沒有？有人答：到咗喇，有人入咗去好耐都未出嚟！又有人搭 訕：咁咪即係個醫生好細心攞，等吓佢都冇所謂喇！此情此景，保守估計最快都要五點才輪到我，於是我叠埋心水，聽住個 i-pod 睇完報紙又睇書。果然，等到整個大堂剩下小貓三幾隻 (因為 suppose 五點便收工)，終於輪到肥媽見醫生。

醫生是個年輕才俊，以下是肥媽與他的對話：

嘩你啲血糖好高喎，你有糖尿病！

  吓，有幾高？從來都冇醫生話我係糖尿播！

唔… 踩緊界啦…

但係我今日餐後2個鐘嘅 reading 都係 5.8

係？咁又唔算高！你有冇驗過 “飲糖水”？

  係咪 即係G.T.T.？

哦，係呀，你都識喎！結果點？

好似冇乜問題，病歷記錄應該有呢個資料架！

呢度話你食過糖尿葯，咁你咪係有糖尿病攞！

唔係播，食咗兩個星期葯，醫生話我啲 reading 幾靚仔，可以唔使食，然後每次驗血佢地都冇話我唔妥喎！

你啲膽固醇都超標喎！

好高？

咁又唔係，都係 upper limit of normal, 食唔食葯？

  唔好，我自己試吓控制飲食，仲有我會做多啲運動！

咁呀，好啦，即係一切照舊，二十個禮拜再返嚟！

(這時，一年長醫生 (即係 senior) 行過，後生仔醫生一支箭衝前，同年長醫生中文夾好多英文的雙語對話一輪，都有三五分鐘 ，或者是診症時間超長的原因之一！)

欸醫生，禮拜一姑娘叫我再返嚟抽多次血，唔知係咪關個肝事呢？

呀，係播，個肝啲 reading 係高咗少少！

咁關唔關我食太多葯事？

唔… 你食緊果啲葯應該唔會傷肝。咁你想唔想做個『超聲波』？

照個肝？

Yeap！

正當後生醫生輸入超聲波排期資料時，肥媽爆了句：

我有 fatty liver, 輕微的 …

吓，你知道自己有 fatty liver？

前年做過 ultrasound

哦，咁係啦，係關呢個事，咁其實唔使再做啦！咁就一切照舊啦，吓！

  諗 ：(嘩醫生仔，如果我係乜都唔知嘅公公婆婆，實行俾你嚇死啦)

(同亞嬋嗲咁耐也可能是診症時間超長的另一原因)