好耐都冇寫到Blog喇！依兩個月真係好多唔如意既事發生左！！
諗住每日返工等放工等出糧就必然既事，我都唔知係我自己既問題？定真係我自己做錯野？？我都唔明，係依間公司有時候我真係覺得好辛苦，好唔鐘意對住一個黑口黑面既同事，我都唔知點解佢會咁？係咪我做錯事呢？？唔知道............另一個同事雖然係好好，好幫我但就會比人覺得係我唔做野或者乜都做唔哩......個同事做野好快好快，比人好大壓力真係好辛苦.........而另一個就係一個社工，我都唔明點解佢咁唔鐘意我，成日都話我咁唔岩咁唔岩，可能我真係錯喇.......為有應命。
四月既時候，媽咪又話個肚好痛，叫佢快D返香港睇醫生佢又話無事，點知.........佢真係頂唔順喇，痛得好好利害，返到屋企就比細老帶左去A&E，仲入埋醫，最後驗到係有大腸癌。我地知道後真係.........為有笑笑口同媽咪講：無事既！有得醫有得醫！！醫生同我講，已經係末期喇，做手術都唔得，醫生話根本無信心可以做依個手術，媽咪肚內既癌係有可能已經成個肚都係，就算做手術都無用。媽咪又問醫生，究竟有冇得醫呀？？醫生都話左係好難會好返，為有等......媽咪話即係.........等死.........................
知道後每日都好唔開心，每晚都訓唔著，今次就連男朋友都"乙水"唔到我喇.............每次見親媽咪都要好開心對住佢，唔敢比佢知大家都唔開心，怕佢膽心。由我媽咪知道自己係有末期癌症時，就成日同我地講，要照顧細老睇住佢。媽咪你放心喇...雖然大哥、二哥同家姐都唔同老豆，但佢地都好錫我同細老，一定會睇住我地兩個。
明天就係媽咪要到醫院做化療喇....希望佢可以完成整個化療喇........就快母親節喇，希望母親節個晚可以同你一齊食飯喇。
袓~怡 2009-07-02 21:50