最近真係好唔開心呀..........
媽咪又有病，依場戰真係有排打架！！媽咪.........加油呀！
今年既母親節，媽咪要留係醫院到過，咁都無辨法喇！我地都係照樣到醫院睇佢，
買佢鐘意食既野比佢食，精神都好左好多添！
我已經決定左辭職喇..........
我唔想再咁辛苦，唔知做錯乜野事點解會咁樣針對我。
就連其他同事都咁講，究竟我係黑仔定係個社工根本唔鐘意我，如果係咁，
就辭職唔洗佢咁煩。因為依間公司通知期要兩個月架，我又唔清楚咁就要睇份合約，
唉....我都係衰架喇！個個都係三個月試用期，只係我半年。同男朋友講佢就話緊係我做錯野，我唔岩人地先咁對我，唉......我都無同佢講點解喇..算喇！！反正我講乜佢都係覺得係我既問題。
所以就快D比辭職信喇.......唔好煩！！
最近，佢屋企因為要比重建局收樓，所以都要攪好多野呀！
有一日，我就陪左佢地去律師樓簽約收錢，其實整件事都唔關我事，
因為當日我同男朋友約左去試婚紗，時開又遲左，不過唔怕喇簽約緊要嘛，咪簽完先去囉，佢一講出黎，佢爸爸就講，點解攪D咁既野呀？？而佢媽咪又大聲咁對佢講，你要諗清楚呀！當時我真係好唔開心，點解會講D咁既說話，我個心突然好痛，真係好痛，我唔知佢爸爸媽媽咁講係咩意思，當然我緊係無出聲喇！就連黑面都唔敢呀。
咁男朋友就講左比佢爸爸媽媽知，我媽咪有病，想約大家見過面，但佢地一句聲都無出到，見面唔係我要求見，係男朋友既意思，因為佢覺得我地拍左拖咁耐，相方家長從未見過面，等我媽咪依家仲行得走得就見過面囉。個一刻我諗如果唔想就遲下先囉，到最後我都無出到一句聲。之後，佢二哥又到左律師樓，佢地係樹鬧交爸爸又鬧，媽咪又鬧咁最後男朋友就簽完名就走喇..........
一個星期之後，當更既時候就收到男朋友家姐既電話，一打電話黎就問，你地要結婚喇....點解咁快呀！係咪你有左BB呀？個一刻我真係好想答佢........我地都拍左成四年拖啦，話長唔長話短唔短丫，乜一定要有左BB先可以結婚咩？？依D說話我就緊係唔敢同佢講喇。之後，佢家姐又話你地要諗清楚先結婚呀，結左婚就成世架喇。如果你地結婚又要攪好多野，我係過來人又有小朋友所以你地真係要諗清楚喎。我咪同佢家姐講囉，其實話結婚唔係一時話結就結既，我地兩個都諗左好耐架喇。加上最近媽咪又有病，醫生都話唔知佢可以仲有幾耐，我都又想我媽咪見到我結婚，我媽咪聽到都好開心。佢家姐又話，你唔係因為你媽咪咁，所以就結婚呀。嘩..........個一刻我既眼淚真係好快咁流出黎，佢家姐好好，又話希望我媽咪無咁辛苦呀！會為佢祈禱，多謝你關心之後就收左線喇。我係樹諗，點解連佢姐姐都講D咁既野，其實佢地成家人係咪好唔想我地兩個結婚呢？？點解會講D咁既野呢？？
我真係好唔明...................點解...................？？
aroma 2009-07-13 21:02
袓~怡 2009-07-02 21:55