終於摘星了

6 OCT 2008  (MON)     23'C     72%   

自從 "生蛇" 之後 ， 自己又要儲里數， 所以， 前牌都好少星期一、三落 『斧山道運動場』 度食 "成哥餐"， 因為怕 "條蛇" 復發之餘， 又覺得既然落得去食， 就希望自己一定會食得晒！ 所以， 我只會揀星期四落去食吓 "會計餐"， 貪果日多人去跑， 食唔晒都唔會太過 『外眼』 嘛！ U know！

之前， 聽多位 "馬拉松高手" 教路， 出賽前兩星期已經唔需要再儲里數， 所以， 今個星期改咗做oD 『中距離』 o既速度練習， 等個身體可以掌握番oD速度感， 到咗正式比賽o既時候， 就唔會只得練過o既耐力， 而完全無晒 速度喇！ Right！

既然係 "高手" 教路， 無理由唔聽話o架！ 今晚 O.T. 咗一個鐘先放工， "me me mo mo" 去到運動場， 7:20 p.m. 換好晒衫褲鞋襪行出嚟， 只係見一大班 青年軍 & 神行太保 已經响度大操練緊， 又見 "吉仔" 响度拉緊筋， 同 "德哥" 响第一線走緊花步， 其他就一個人都未見影 ~~  

記得佢哋好似約咗聽朝去 『石崗』 操長課， 唔通班友仔要留力， 今晚無人敢嚟呢度食 "成哥餐"！ 唔理咁多 ........ 先 Jog 幾個大圈熱熱身， Jog 完番嚟， oD人開始浦頭， 不過， 確實比星期四果晚嚟練習o既人數少！ 

3'44"23  【第七個 "大佬基" & "肥 Ken" 都退出， 淨番六個跑友繼續 ~~】

3'45"76  【第八個 "成哥" 話帶我跑， 只淨番五個跑友， 尾段 200m， 我

                        開始加速， 結果今次比我摘到一粒 "星" ~~】

3'37"74  【第九個 "盲牛" 突然殺出， 休息咗咁多先跑， 擺明嚟 "偷星"】

3'36"19  【第十個 連 "成哥" 都退出埋， 無人帶住跑， 靠 "村長" 响我後

                        面力迫底下， 結果再次比我摘到一粒 "星" ~~】

經過咗一輪激戰之後， 梗係又有得食 "成哥" 每次為我哋， 準備o既另類【生菓餐】喇！ 今晚有 『沙梨 + 火龍果』， 好甜  好好味！