再來力奇打邊爐

最近呀輝好鍾意打邊爐，噚晚佢先叫屋企人去，點之ming ming就打黎約我哋，朋友都好心靈相通喎！

嵐嵐同震震玩咗成日都好肚餓, 所以佢兩個今日乖乖哋坐定定食吓嘢.

食完嘢要揾ming ming姐姐同佢哋玩．

銘哥哥想玩，但嵐嵐唔比，仲好惡叉晒腰tim！真係唔好意思，不過我都係第一次見佢咁，原本佢係玩吓嬲，點之講講吓佢真係嬲仲好惡，最後又唔知點落台走到爸爸後面，大家唔理佢一陣佢又偷偷笑返繼續玩過．

之後又玩得好開心．

今次終於同銘哥哥玩喇！震震一直跟住家姐玩同講嘢．

上次見過面同carmen姐姐玩過，所以今次friend咗，仲拎晒帶黎啲嘢比姐姐睇，仲同姐姐十指緊扣影相．

又係嵐嵐幫我哋影的大合照．

我哋諗住三個女仔影張相，點之嵐嵐走黎搞搞震，仲整埋個搞笑肉緊表情．

最後銘哥哥想氹吓佢哋開心，所以帶佢哋出去買雪糕食，有雪糕食呀銘又可以再抱吓震震喇！呀銘你都好鍾意小朋友喎！快啲生返個啦！

最後買咗三個雪糕返黎，原來嵐嵐買埋比我食呀！咁爸爸呢？佢話爸爸要同細佬食，又係喎！平時爸爸都係咁架！可惜我實在太飽食唔到，最後請咗carmen佢哋食，不過好開心嵐嵐妳真有我心．

震震食到個咀.......

今日又約定下次我哋去邊到玩，等我安排吓邊個睇住佢哋兩個先，不過都係要等８月先去，再通知妳哋時間啦！不過好開心好期待呀！