四川大地震

昨日的四川大地震，初時都唔知會有咁多人傷亡，及至今日看新閒報導，先知咁大件事，看到D死者的家人呼天搶地的聲音，心裡面真係好難過，星期日剛剛才為緬甸的風災禱告及捐款，昨天我地國土又發生咁大的災難，主預言的地震、災荒經已應驗咗。

(新閒圖片)

我近日為搬屋的事，都感受到有D壓力，早上五時就醒咗，會諗下要做D咩野，其實一個咁小的變遷就使人產生不安，咁D災民冇咗家園，失去親人，甚至冇咗生命，咁佢地咪仲慘，佢地的壓力可想而知。香港真係一個福地，從來都冇甚麼大的災難，我地可以好安樂咁生活，有言論、信仰的自由，真係神特別的祝福。

中國而家的領導人都好體恤民情，溫總理可以係災難發生後7小時就到災區，指揮救災工作，為受困者打氣，我都好感動，救援的工作都算快速進行，也覺得中國人真係進步咗，有報導話超級巿場打開門冇人睇住，D災民都唔會入去攞野，好自律，話除非真係捱唔住，希望四川的人民可以捱過來，但願死傷的人數唔好再增加，被困的人可以快D逃出生天﹗

你睇緬甸的軍政府強硬的態度，限制咗救援隊伍進入，物資也交不到災民的手，令人氣憤，我地都要為呢班軍人祈禱，求神柔軟佢地的心。

仲有，唔知四川的大熊貓有冇事呢？佢地係空曠的園地，應該冇咩事卦﹗