荷蘭之旅(三) - 小人國與美麗的沙灘

今日介紹下荷蘭的海牙，小姪仔放一日假車我地去，海牙近北海，有個巧靚的沙灘，係荷蘭的度假天堂。

我地下午去咗荷蘭的小人國，呢到D建設全部係1:25的比例，我呀嫂佢地叫呢到做矮屋仔。影咗好多相，仲係個度食咗個下午Tea。其實小人國我係30年前曾經來過，改變不大，不過舊時就有D歐洲的出名的建築物，而家就只有荷蘭本地的大型建設。因為每一個景都好集中，人唔駛行得好辛苦。

張爸爸張相唔錯，都係唔好摭住佢塊面喇﹗

仲有個遊樂場係入一個亳子，就可以開動所有的遊樂設施，好有趣。

呢個公仔係個入口到，係好著名的河堤小孩，唔知大家有冇聽個隻古仔呢？

跟住我地去咗海牙的一個度假天堂，一個好靚好靚的海灘，不過同我去行沙灘浪漫的係我的小姪仔(佢大過我個女一個月)，因為大家坐咗係沙灘的茶座就唔想去行落D沙度，我同呀姪仔除晒鞋行落D海水度，好舒服架﹗

上面呢幅係postcard, 下面個張係我影ge，都有D似噃﹗

沙灘外面的著名酒店，類似半島個種。

個沙灘有人騎馬........而家係開始凍，沙灘比較清靜，夏天會坐滿晒人架﹗

我個姪仲用個種 tum 女仔唔使本的聲音話：「姑姐，我同你去浪漫下，你唔駛驚對腳濕架，個沙灘咁長，我地行完水再行返上去茶座，對腳就會乾返晒，到時拍下對腳就可以著返對鞋架喇。」咁樣，佢就搭住我個膊頭一齊行，我點可以抗拒一個男仔的味力呢~~~~~ha....ha....ha.....，咁就同佢濕腳踏沙囉，行咗成半個鐘頭，對腳浸住D清涼ge海水，仲同佢講埋細個D趣事添﹗

張爸爸只肯係行落最近茶座的沙灘，同我影一張相咁多。

我地就坐係呢D茶座望住個海灘成個幾鐘頭，不知幾嘆﹗

沙灘外面的賭場，不過我地冇入到去。

個日的行程好豐富，好開心，晚上在海牙的長榮飯店吃晚飯。係四家姐同姐夫請的結婚週年紀念，佢地話因為我同三家姐一齊來荷蘭，咁高興，就提早一年慶祝佢地的25週年結婚紀念日喎﹗真係要祝佢地永遠幸福快樂﹗個晚仲見埋佢一對兒女同女婿同新抱添，不過要全英語對白，都唔係傾咗好耐咋﹗