台中 (2)

食咗午飯，就可以去酒店放低行里，然後有成兩個鐘頭自由活動，咁我同張爸爸第一時間去咗誠品(好近酒店)，行咗一輪，買咗兩本貓貓漫畫(我開始覺得自己越來越冇文化喇，老花眼唔想睇咁多字)，跟住去咗春水堂飲咗杯大大杯的珍珠奶茶，不知幾咁满足~~

晚上去咗逢甲夜市，自己食野，其實個夜市只係一條街，不過都好熱鬧，我覺得個度最多的是電單車，食的唔夠台北的士林，我地食咗碗好普通的麵就算了。

台中 Hotel One

第二日食咗個豐富的自助早餐，成9:30先出發去埔里，去咗中台襌寺，並非寺廟，而是一所佛教的現代化建築物，用來教學、研討等，我對裡面的佛像沒有多大興趣，不過對其荷花池的花就好欣賞。

美麗的荷花

食完午飯，就去咗埔里酒廠，睇埋台灣大地震的圖片，試埋紹興酒的雪條，不是太好味，okay咁啦﹗

酒酲的隧道，裡面裝的真是紹興酒黎。

下次再續．．．．