親子廚房

昨日下午係教會的小組活動，我們的姊妹組同弟兄組舉辦咗一個烹飪比賽，咁當然唔係我地自己人玩啦，目的其實係比學校的家長參與教會的一個機會。

總共都有8個家庭參加，我地分咗四組，姊妹組同弟兄組各派4名成員做協助的工作，即係做幫廚，各組要係限定的時間(四十五分鐘)內，用既定的食材，做出兩餸一湯。

開始之前，弟兄六人組來一首合唱，帶起咗大家的情緒先。

跟住玩個遊戲，比大家分組熱身，我同呀高弟兄幫兩個家庭。

我地叫做一定得組，有個靚靚太太同個靚靚囡囡，一個婆婆同她的孫女，個組名係佢改ge，靚靚太太其實帶同中二的兒子同來，不過係冇入鏡啫。

我地係最快完成的一組，因為靚靚太太同婆婆都係快馬之人，我地用咗四十分鐘就完成咗兩餸一湯，靚靚太太改咗個湯做一清二楚湯，好搞笑。要提一提靚太的刀功了得，切野又快又幼細架。

靚太的女兒，好靚女架，又非常精靈，D眼睫毛仲長到好似鬼妹仔咁，佢不知幾幫媽咪手，又倒水，又洗毛巾，好乖架，不過仔仔就好怕羞，一黎到就去咗同D同學、青少年一齊，屎都唔過黎玩。

婆婆煮的薯仔炆雞，香到不得了。

評判有校長同傳道人，因為水準平均，佢地比分都好頭痛架。

其實我地的食材有：勝瓜，白菜，豆腐，瘦肉，半邊雞，薯仔，雞蛋，薑，葱。

咁大家所煮的餸都大同小異，都係勝瓜白菜肉片湯，蒸或煎魚，薯仔炆雞，只有一組煮多咗一碟甜品蛋。

最後的賽果係：我地個組最合拍，攞咗傑出組別獎，呀靚太攞唔到金獎有些少不服氣添。

金獎~~

銀獎~~

活動完畢後，我地檢討，覺得D類活動，比較容易同家長們建立關係，大家都可自然咁溝通，又有趣味，D家長好多都話，教會下次如果有咩親子的活動，佢地都樂意參加咁話。

仲有多謝晒教會的青少年，佢地負責總務，洗,碗，收拾場地，分發器具同材料，又快又乾淨，同埋校長咁忙都出席擔任評判，活動順利完成，多謝神的恩典哩﹗

Yahoo blog個統計資料唔知係咪有問題，無理由成個星期個流覽人數都係0，不過仲有人回應噃，睇怕都係 short 咗喇~~