主日學

最近為咗預備教會的青成級主日學，經歷咗將神的說話「晝夜思想」的情況，其實一直以來，看聖經都深入唔到，不過經過此一役，怎樣去睇經文，怎樣去思想，真係好有得著。

話說去年係執委會定下，今年要每一個執委都教一課青成級主日學，六個人，總共六堂，我地由開始選教邊一卷聖經 (我們選了「路得記」，看「跟隨」)，跟住傳道人定下每人教邊一段，然後寫大綱，教案，預備，與傳道人面談，都一步一步的經歷神的帶領。

每個人(包括要上堂的弟兄姊妹同導師)都一同手抄經文三次(路得記)，甚至更多。我這個月來，不斷的想，怎樣去教一班大部份都是成年的弟兄姊妹，點樣去打開經文，而唔係只是講表面的野~~~~其實去建立人真係好難架~~~~~~點樣引起大家的興趣，點樣叫大家想深一D，真係諗到頭都痛埋。

最後都係靠傳道人幫助，緊係唔少得禱告尋求，而家可以比較深入的打開經文，看見神話語的亮光，雖然咁樣讀經係好辛苦，不過深入得到的時候又好興奮架喎﹗

我教的一課定係呢個星期日，希望神的靈澆灌，叫我的口可以有條理的講解經文，希望教 ge 同學 ge 同樣得益處，一齊經歷神話語的寶貴﹗