食在荷蘭(二) + 家人篇

去完荷蘭成個多月，大致執好D相，睇下又真係影咗好多，有成六百幾幅，揀咗一部份放上 Flickr，Facebook 又放咗D，然後 send 咗比D朋友睇。

成個旅程其實最高興的就係同家人的相處，因為真係好耐都冇見面。(就算大家係香港的家人，都未必時時見面，何況同佢地山長水遠的分隔呢﹗)會為四家姐同姐夫感恩，雖然佢地的身體都唔係好好，不過咁樣神就格外的施恩俾佢地，而家佢地兩個自己住，一對仔女都成家立室咗，互相照顧，又會更加相愛哩﹗

睇下四家姐屋企前門花園的葡萄，今年係佢地第一年有收成，D葡萄雖然係細細粒，不過好甜架﹗我見到立刻想起葡萄樹與枝子，我地係要連於基督，就有果子收成囉﹗

四姐夫係個幾傳統的荷蘭人，佢係好擇善固執的人，喜歡的野係火車仔...........佢有一間房做咗火車房，成間房的鐵路，火車站，山，屋同樹木都係佢的手作，好厲害架，我地一去到就叫我地去睇，仲講咗鬼屎咁耐，聽到我好攰，因為要用英文同佢交流，都幾辛苦架﹗

姨甥仔同姨甥女都已經結咗婚，今次旅程只係見過佢地一次咋，就係四家姐的結婚25週年的晚飯，在海牙中餐館。佢地都係基督徒，希望主祝福佢地的家庭。

呀哥呀嫂的性格就好唔同，呀哥係生意人，可能去咗荷蘭三十幾年，對歐洲的一切都好熟識，我直頭覺得佢好勁架，好似咩都知咁。呀嫂就直腸直肚，冇咩機心，又鍾意熱鬧，我地去到，佢不知幾開心，而家打電話比佢，佢話我地走咗之後好掛住我地，攪到我真係想出年又去過添﹗

呀哥的餐館Sukara係今年5月先開張，而家係佢同姪仔一齊打理，仲有一位股東係廚師，而家全球的經濟都唔好，都有D替佢地擔心生意架，不過呀哥話生意都 okay喎﹗

係荷蘭的時候，總共係Sukara食咗兩餐半，兩次係正餐，一次食完晚飯走去試佢地的鐵板炒雪糕，可惜果次冇帶相機，拍唔到個鐵板雪糕的樣。

下面係第一餐在 Sukara 的食物，哥哥當然盡地主之然，請我地食D好野啦，賣花讚花香，都唔錯架。

環境一流....

呢架係冰機，要來 dup 啤酒，條柱係結咗冰的柱，咁D啤酒係酒筒到酒杯都係咁凍，呀哥話係好新款的機器喎﹗

掛在牆上的和服。

侍應生的和服，都係正中的日本和服黎。

第一味，清新的開胃沙律，D汁酸酸地，好好味。

壽司併盆

已經食咗一半.......魚生船

第一道鐵板，磨菇，好靚，好好味。

可以睇下師傅炒鐵板的技術，我地不知睇得幾開心。

帶子同鴨胸

牛肉卷，牛肉入面包咗菜，唔會太滯

主菜係龍蝦

最後仲驚C我地唔夠飽咁叫師傅炒咗飯，其實飽到上心口架喇﹗不過師傳又表演飛蛋，炒完仲叫我地用個口黎接佢彈來的蛋粒，不過我地接唔到囉﹗

如有興趣，可以睇下Sukara 個網址：http://www.sakura-restaurant.nl/

仲有唔知大家有冇係香港邊樹見過呢種日本拖鞋呢？哥哥想我幫佢係香港買，因為佢係荷蘭要搵人訂做先有，如果有見過，可否通知我呢？唔該晒大家。