快樂寅小學....第55日

快樂寅返小學都差不多三個月啦，經過咗呢三個月我發現快樂寅真係進步咗好多．

快樂依家已經可以自己做功課，執書包同溫書．而且經過三個月既努力，快樂寅已經好習慣小學既生活．而且學習態度仲係好認真，對自己亦都有一定要求．

但佢唯一吾開心係怕上英文堂，吾係怕學英文而係佢英文老師經常責罵佢地，令佢覺得點解我冇犯錯但係成日比老師罵．快樂媽同快樂寅講如果老師責罵你地，你就要想下自己有冇份犯錯，如果冇既就要記住老師責罵你地乜事情，記住自己吾好去犯，如果有既更加要改過．

當然從快樂寅口中，我都感受到英文老師的壓力，因今年課程加深了，但同學程度又參差不齊，所以變得比較急燥．所以我都同快樂寅講你地要認真留心啲學習，吾好比咁大壓力英文老師啦．

現今的學校真係令到每一個層面都好大壓，無論學校．家長．學生都吾容易過！

感謝天父比快樂寅有個認真向學既心，又有一個喜樂既心．

希望天父繼續保守帶領快樂寅呢種學習態度，又保守老師．校長有聰明智慧去教育呢班咁可愛既小天使！