toast/黑黑的墙纸/阿乌的杰作

  番到黎之后一直都想好好写D野,但实在太忙,太多手尾要跟,而且有时会觉得其实去佐杜拜一轮,好似都没咩特别事发生姐,直到寻日,我同个FD倾开,突然有D野敲开佐我个脑.

  记得系杜拜住的个间酒店的餐厅,因为我地的房费系包含埋每日早餐,我第一日去间餐厅吃早餐,捻住整块toast吃,梗就将块toast放入mini烤炉度,press个开关,梗我之后就行开佐去稳下仲有乜好吃,等我摆低我拿好的其他早餐,捻住去夹番我个块toast,谁不知........,唔使我自己拿啦,餐厅个女侍应已经帮我夹出黎啦,米以为她系因为要帮客人服务先会帮我夹块toast,其实系我的toast已经烧窿佐,而且系窿到成块toast黑晒,两面都系添,最夸张的系仲要窿到冒D少少黑烟添,所以个靓女先帮我夹起身,米她唔惊火灾咩.

  之后我好唔好意思梗行去,我同个女服务员不约而同梗讲佐句"oh my god",之后她好好梗问我仲要唔要继续放块toast,其实我个阵真系好唔好意思吖,个靓女仲要话"没问题嘎,没事,你仲烤唔烤添吖?我帮你放番两块落去烤吖"

  就系梗,她帮我放低两块toast之后就走佐,我又坐番埋位,我老细全程直击,笑笑口同我讲"乌.......你真系乌吖"

  估唔到的系,第二次的toast始终都系烤窿佐,仲要系老细的提醒下,老细提醒我话块toast得啦,我仲捻边有梗快吖,谁不知行去一睇,又系窿佐,不过窿的程度没头先的梗夸张咯,但都系吃唔得.个靓女服务员又行埋黎我度,我同她大家互相望佐望,无奈梗笑佐,跟住她又帮我放多两块入去,今次我同她都企系个烤机旁边,几秒钟就拿出黎算啦,虽然唔系烤到我想要的效果,但算啦,费事又浪费人地梗多toast,米一家搞到火灾添.

  我老细后来仲要同人讲"睇睇个部机个边的墙纸,黑佐嘎,个就系我地阿乌的杰作啦"搞到我鬼唔好意思.

  依家捻番,我真系蠢吖,点解唔影低个墙纸呢?唉......