新娘化妝 - CKE 重慶站商場 推廣活動~

上星期幫左自已個商場 搞活動, 佢地直至到12月尾的每個周六/日, 都會派出美少女作新娘子打扮, 在商場外派發傳單, 我既主要工作當然就是幫8位美少女扮靚靚啦~

其實呢個商場在7月份時已經搞過一次呢d推廣, 不過由於時間有限, 佢地覺得做得未夠好, 所以佢地今次搵我幫手, 我都非常樂意, 而且因為我只有第一日有時間幫手 (之後的所有周六/日都已有新娘job啦~根本走唔開), 所以就決定為佢地呢次推廣打響頭炮, 將佢地扮到有咁<行>得咁<行>~(因為商場個搞手姐姐話佢地老闆好鐘意d女仔扮得誇張d woo, 要吸引人注意呀~)所以是次活動除了化妝髮型外, 頭飾/頸鏈都係由我地 Fi@Makeup 一手包辦的~

去片先~

大好機會, 當然要出動我店其他化妝師及學生去幫手啦~(唔見我 ?因為我負責影相丫嘛~

8位美少女~

靚女們不單要在商場外派傳單, 是之活動個搞手的老闆, 見到美少女咁搶眼, 叫左佢地過對面馬路派傳單tim~

8個美少女一字排開, 都真係幾搶鏡~至於點解要用紅遮, 個搞手姐姐話都係老細意思woo~( 都係要搶眼d 囉....)

遲d 在商場內都會見到 Fi@Makeup的 宣傳展品~ 另外如果想得到 Fi@Makeup的免費化妝服務, 就請參閱CKE 商場內的poster 啦~

在此特別多謝當日有份幫手的化妝師及學生們 (排名不分先後)

Carina, Carmen, Christina, Jess, Pinky~

後記 :

好眼訓~5點4又要起身努力工作~

結完婚的靚女們如果見唔到我post你地的靚相, 唔好唔開心, 因為其實有好多都"責"左係度 (有d 6月份的都未post出來...), 同埋有d真係影得唔靚, (我只係用canon dc仔影的), 如果你地收到靚相後可以send番比我, 我會打尖post左先~嘻嘻~