好耐冇寫野

今日返屋企, 見大廈停左三部電梯, 得番一部, 不過只去到25樓, 唯有'young'九層樓, 去34樓啦.

太耐冇郁動d筋骨, 真係行到索晒氣, 好似老太婆咁, 中途要停兩次抖啖氣至得.

*************************************************
喺圖書館借左兩本瑜珈嘅書返黎睇, 因為想自己學下, 又健康, 又可以keep 下fit, 收收多餘既脂肪.

有好多超高難度, 同埋需要單腳平衡身體嗰d動作, 我一定做唔到啦. 不過有幾款係好易做, 例如舉高手, 或坐喺地, 再配合呼氣吸氣, 拉下筋咁, 都ok喎, 做完個人係鬆d.

最大問題係自己有冇耐性日日去做啫, 哈, 新鮮野係勤少少去做, 過多一排,,,,,,會厭囉.

**************************************************
發現女人呢種動物, 間唔中就有d情緒化, 會唔想見人, 唔想講野, 唔知做乜, 諗埋d灰野, 總之做乜都提唔起勁, 好似個世界好灰咁.

我身邊嘅朋友係咁, 發覺原來我自己都係咁喎, 唔知做乜, 突然就係好唔開心咁啦, 但係其實冇乜事發生架喎.

冇理由更年期丫, 冇咁早架.

其實呢個係女人嘅特性啦,  冇得解. 所以, 男士們, 唔好不知死活, 係咁冤住個女人, 以為比多萬二分既關心佢, 就冇事, 咁盞會有反效果.

女人需要時間, 空間, 比自己諗下野.

***************************************************
做完手術都有4個月時間, 過咗4個月無聊生活, 仲未遇到有英明僱主請我添. 繼續努力啦, 機會總有一天會黎搵我嘅.