第一次

第一次做補習老師, 仲係要教12個小五, 小六學生既英文

呢個班係教會義務幫一班小學生攪既輔導班, 希望佢地會對英文呢一科增加多D知識咁啦, 全期有12堂, 咁我就答應教三堂.

我唔識架, 以前從未做過補習老師或之類既工作, 都担心自己應唔應付得黎.

為左令課堂冇咁悶, 我就諗到玩遊戲黎學英文, 希望氣氛會輕鬆D.

嘩~ 點只輕鬆呀, 直頭有D失控呀. 遊戲環節, 大家都好熱情,  玩得好投入. 我帶左少量糖果去, 係用黎派比一D答啱問題既同學仔.

咁玩完遊戲之後, A同學問: "我可唔可以攞多一粒呀, 我想食嗰隻味呀?"

我答: 可以啦, 自己去攞啦.

之後, B同學問: "我想換另一種味呀, 得唔得?"

我答: "可以, 自己去換啦, 仲有邊位同學仔想食既, 自己去攞啦. "

嘩! 呢班馬騮, 當堂失去控制咁, 衝晒出去搶呀, 搶呀, 就係咁, 就比佢地搶晒D野食, 真係快手, 情況仲有D混亂添, 因為有人搶唔到, 就有少少唔開心啦, 咁好在, 手快搶到好鬼多果位同學仔, 都肯攞番一D出黎SHARE比大家食.

最後, 我喺掌握時間方面, 做得唔夠好. 因為重剩15分鐘, 不過我已經教晒我已準備既教材, 咁唯有叫大家提早落堂啦, 哈哈.

另一個第一次, 就係第一次領禱, 開頭都有D緊張, 會担心唔知講乜好. 好在, 我都算講得幾流暢, 成功做第一次領禱員, 或者有神帶領住我啦.

經過第一次之後, 我已經知道點去做好我既第二次, 第三次......