老公生日 Dinner

雖然星期六已經開咗老公嘅 Birthday Party, 不過今日係正日, 點都要同老公慶祝吓....

由於今日係 weekday, 大家都要返工, 所以只好嚟個 Birthday Dinner!!

今晚天朗氣清, 而且溫度又適中, 我哋就決定去黃金海岸嘅香辣屋開餐喇~

嚟得呢度就一定要坐外面, 露天餐廳又近海邊好 Relax 啊, 而且燈光又暗暗地加埋枱上嘅燭台好似好 Romantic 咁, Hehe~

今日主角係火車頭, 梗係要俾佢決定食 D 乜喇.....佢好似好專心睇緊食 D 乜喎!!

叫完餸之後, 火車頭就走咗出去揀菜喇, 因為果度有個自助揀蔬菜 & 海鮮嘅 Area o架, 我哋每次嚟都好鍾意自己嚟揀, 之後就叫佢地用蒜蓉同牛油炒...
Hehe.. 好香o架, 不過就真係好肥呀!!

我地今日好犀利呀, 叫咗好多嘢食.... 炸蝦餅, 串燒, 紅咖喱雞, 蒜蓉烤飽, 炒金邊粉, 蒜蓉牛油炒雜菜......嘩~ 想唔肥都幾難!! 
 
不過份量真係太多喇, 最終我哋都係食唔晒, 剩翻半個炒金邊粉
(因為個炒金邊粉唔係幾好食!!)

Anyway, Overall 都 OK 喇.... 最緊要係火車頭老公滿意開心!  

Happy Birthday to Thomas again!!