心痛的滋味

　　原來當你真係鐘意一個人，你會為佢講既任何野﹑做既任何野感到痛心！

　　其實自從為廣州既佢真正喊過之外，我無再為任何一個人喊過，因為佢地都唔值得！但係琴晚，所有既眼淚都好似唔受控制，而且終於明白到底心痛係咩感覺！

　　原來我一直唔知佢就我係咁辛苦，一直都覺得自己好幸福，因為ｐ先生咩都將ｂ夢放係第一位，咩都好就ｂ夢，但係原來ｐ先生係唔開心，ｂ夢真係覺得好慚愧！

　　ｂ夢真係從來無諗過要改變任何人，真係無，所以琴晚當ｐ先生講：雖然你無諗過，但係你做既野已經係要改變一個人！真係咁咩，我真係無諗過要咁，所以我真係好嬲自己，好嬲好嬲！

　　之前睇戲有人講過，如果想喊就倒立，咁樣要流既眼淚就唔會流出黎！但係我唔識倒立，所以眼淚不停咁流！

　　點都好啦，ｂ夢係度同ｐ先生你講聲：Sorry!