西貢遊 (Feb 22, 2009)

西貢遊 (Feb 22, 2009)

今日我地又向西貢出發! 原先諗住去北潭涌嗰頭行山嘅,

點知車程去到咁上下, 媽咪話好大霧喎!

點行山呀~入到去實咩都影唔到啦!

跟住佢地就決定改變行程話入市中心行吓算喇,

順便撞吓啲狗友又可以一齊玩吓傾吓!

去到市中心好舒服呀, 可能早啦, 無咁多人幾爽呀!

我就緊係周圍走到處睇啦~自由行吖嘛!

行吓行吓見到有狗仔游水喎, daddy又叫我去玩水!

佢話當下水禮喎~我就走咗落去玩到成身都濕晒!~

玩完水媽咪daddy就話搵地方食野,

行吓行吓都唔知佢地想食咩,

最後就求其搵咗間茶餐廳,

食飽飽媽咪就話返去海旁嗰邊撞吓啲狗友喎,

所以我地又盪吓盪吓周圍逛啦!

媽咪我都想睇呀~唔該

最後我地見到happy仔一家, 媽咪仲同happy媽傾到鬼死咁開心添!

等我都四圍同啲狗仔傾吓先~