送卓卓入医院...

今日一早帶卓卓去睇家庭医生,原來佢感冒令到喉嚨發炎同發燒.劉医生話開Ｄ藥返屋企食藥休息下就無事叫我唔使擔心.只要卓卓肯玩同肯食就○Ｋ啦！唔擔心就假啦！最近又有咁多細路因為流感而死喎！梗係問清楚Ｄ啦！

好彩卓卓都好肯玩,但就食少咗嘢.發燒都一直好唔穩定時有時無,直到凌晨个時我瞓著咗,突然聽到老公叫我老婆ＢＢ好高燒呀高到104度.即刻送ＢＢ入院.我个刻真係好驚呀！即刻同老公抱卓卓搭的士去法國医院,去到医生同卓卓檢查,照x-ray等...之後医生叫我哋放心唔係流冒,照x-ray个肺好清一切都好正常.只係感冒未好發燒只係病徵要感冒好了燒自然会退.聽完医生好詳盡咁解釋,我先放心些.(話晒佢都係兒科專科)

雖然係咁但卓卓仍然無扭計或喊過,只係自己瞓係床到休息閉目,因每次我同佢探熱个時佢都会張開眼望住我哋仲会好乖咁嗌我哋:媽媽,爸爸.我就会問佢係唔係好唔舒服病..病....瞓唔到呀？

佢就答我:係呀！我就叫佢合埋眼仔休息下.佢就好乖咁合埋眼.就係咁一直到6点幾钟佢仍然都瞓得唔好.就好温柔細声咁嗌我:媽媽抱.我抱起卓卓係我懐裹,

我真係好感恩....好多謝主.....好感謝主賜給我有一个好錫我嘅老公同時又有个咁乖咁可愛嘅女兒給我.