BB 出生了

3月13日

今天早上6時多起身,因為老公要返大陸, 點知食完早餐佢話都係唔返, 所以再sleep, 都10時多起身去廁所, 發現出血, 我老公連忙大叫好彩沒有上大陸, 佢還拿相機拍了我的衛生巾, 我們立刻刷牙, 換衣服, 出發去醫院, 當時沒有任何painnful.

到達醫院, 由於出血點都要留院, 到晚上一直沒有動靜, 不過sleep 時就開始有陣痛, 但很輕微.

3月14日

一直陣痛, 但可忍受, 都係到sleep 時陣痛加劇(5-8分鐘一次), 以為就生得, 點知護士話我只係開了一度, 雖然只係一度但我真係 sleep 唔到, 因為太痛一整晚都係走來走去, 好似行路比訓係床到好d.

3月15日

都係陣痛(3-5分鐘一次), 老公雖然係醫院, 不過佢係幫唔到手, 因為只有我一直痛, 到大約11時, 護士話我只係開了2度, 未可以去產房, 不過護士check 完,我下體就留血, 護士看了我的m巾就話沒事的, 我只好換塊新m巾, 點知很快新m巾全部都係血, 護士立刻叫醫生check, 羊水沒有爆, 都係只開2度, 醫生都唔知什麼原因, 所以叫人安排我去產房, 不過因為太多人生, 產房沒有位, 結果我要一直 訓係床到聽bb心跳, 唔可以落床, 但我一直都有陣痛, 但在床上聽bb心跳唔可以動來動去, 好難忍受, 同護士說要去廁所, 結果佢話比個盆我係床上解決, oh my god, 其實我去廁所係假, 只係想落床走行.

下午3時多, 終於產房有位, 我可以落去了, 去到產房, 同我想像的有些不同, 唔似手術室, 有d似睇牙醫的房. 原來我已經開到4度了, 但羊水還沒有穿, 他們幫我穿羊水, 但並不代表立刻生, 不過我已經feel到painful and seem to be baby want to come out, 因為太painful, 所以他們比我聞氣, 都係painful, then they 問我要不要打針, 當時的情況我什麼都要, haha, 打針+氣好似好d, 不過個人開始暈暈地, 原來d氣係painful 先聞, 如果一直聞係唔得架, haha, then 覺得個b要出黎, 他們睇一睇說沒得, 叫我唔好出力push 個b 出黎, 嘩, 我真係feel到個b要出黎, 點樣唔好用力呀, 佢話叫我好似忍糞的, 當時我老個已經係我身邊, 不過我覺得最重要唔係佢係個d助產士(唔知護士or助產士), d 助產士走來走去, 唔係在我的房走來走去, 而係去隔離房, 當走剩一個的時候而我見到佢好似都想出去, 我就立刻叫佢唔好走, 我想捉住佢隻手, haha 之後佢又把我隻手交番比我老公, 想起都覺得搞笑, 去潛水我同敎練說想拖住佢隻手, 生仔就想拖住助產士隻手, 但我唔會話想拖住老公隻手, hahahhahahaha, then bb 真係可以出黎啦, 佢地叫我用力, 個身好似"C"字的用腹部的力push個b出黎, haha 都用唔到力, 我已經好累, 佢地話一開始肚痛就出力, 唔痛的時候可以放鬆, 但我真係好累, 唔痛的時候只想sleep, 佢地都不停同我說話, 因為我好似真係會就這樣sleep, 佢地叫我個頭都向前,兩隻手捉住大腿彎起個身好出力, 但我個頭都出唔到力向前, 所以我叫我老公, 當我一痛, 你見我想出力的時候就用隻手push我個頭向前, haha, 之後個b的頭頂出了來少許, 見到d頭髮, 不過真係好難出晒成個頭, 我頂唔順, 我同佢地說不如用夾夾出黎啦, 佢地話唔好, 叫我再試, 之後我又叫佢地用吸管, 佢地又話唔好, 結果出力好多次都未得, 之後佢幫我剪會陰, 再出力好多次, 之後好似大約知道用什麼力, 最後個b頭仔全部出黎啦, 立刻鬆口氣, 之後個身係怎樣出黎我都唔知了, 佢地叫我再用力把胎盤push出黎, 不過我冇晒力了, 最後係佢地幫我拉出黎, 之後係把會陰連番埋, 嘩, 雖然話打了麻醉, 不過都好痛, 個支針唔係平時的一支支而係彎的, 好似鐵鉤船長的鐵鉤, 從進產房到bb出生差不多3個多小時, 從bb出生到連埋會陰差不多2個多小時.

上番房, 因為過了探病時間, 所以老公只可以幫我簡單安排一下就要走, 護士唔比佢多留片刻, 啊媽叫我生完一定要食薑飯, 不過我真係好累, 沒有胃口, 所以只食了一點點, 之後護士比個尿盆我叫我在床上去小便, 生之前都放了小便啦, 何來小便, 而且傷口痛, 在床上根本就去唔到, 之後佢話兩個小時之後再叫我落床去廁所, during i sleeping, 佢真係走黎叫我去廁所, 點知我小便只有100ml, 佢話唔夠, 但我係沒有呀, 之後都係叫我等一陣再去,好彩到早上我有好多, haha

3月16日

今天開始我就要習慣照顧啊b了, 第一天有d手忙腳亂, haha 不過會努力.

3月17日

可以同bb出院了.

3月18日

由於媽咪的假期只到21日, 所以老公今天就出發去韓國, 一來見客, 二來拿bb床過來(因為韓國比香港平很多), 三來去接佢的母親大人來香港, 話就話照顧我, 不過..........

傷口都係painful, 起身/坐下來/走路/企都feel painful.

3月19日

一樣傷口痛

3月20日

今天突然發現bb下體出血, 晚上11時多立刻去仁安, 不過仁安d人話睇專科比較好過睇普通d醫生,但仁安醫院的專科醫生下班了, 他們說可以call to them ask they come back, but need around $2000, wow, so expensive, so we go to 威記, then 攪一大輪, bb要留院觀察, 弄到晚上2點幾我同媽咪爸爸先番屋企, 不過我都 can not sleep until 4 am 先可以sleep. Because of too late so i didn't call to my hunsband.

3月21日

去醫院, 醫生話bb應該係假月經, 沒什麼事

老公及奶奶終於到香港，黑暗生活開始．．．．

４月１５日

總結坐月的一個月

這個月我所有食物都係我媽咪弄的，　她早上一大清早起生煮，然後再返工，食午飯的時候去買材料，晚上從灣仔拿回來沙田，真的辛苦佢，她廋了．

家務方面，奶奶會做，不過並不表示我可以全日sleep.

BB的照顧奶奶當然有加入，不過方法同我的大不同，例如掃風，我們是向上掃，佢話韓國係向下掃．然後還有很多，很多的不同處，老公覺得為難，但沒辦法因為個ｂｂ係我個月，我唔可以睇住佢的韓式照顧方法．

發生大件事，終於發現就算我生了ｂｂ，但在老公心中沒有人能及得上他的媽媽，我失敗了，老公要個ｂｂ但不要我，我對這個老公完全改觀了．

雖然最後沒有離婚，不過心理有支針，沒辦法拿走．

發生事之前，奶奶總要抱ｂｂ一起sleep, 發生事之後，突然說ｂｂ好需要媽咪的愛，要我同ｂｂ一起sleep, 但ｂｂ床不在我房，佢話我同ｂｂ一起在我的床ｏｋ，老公覺得他媽媽說得對．

奶奶差不多走的幾天，開始要我做野．

我覺得好辛苦，我唔覺我有坐月．

5月15日

總結 take care baby one mth

辛苦，由ｂｂ出生之後，不開心的比開心的多，好想自己沒有生過ｂｂ，後悔但沒用．

突然看到伊能靜的離婚是因為她覺得沒有了自我，我都開始覺得我沒有了生命．．．．．