14個月大喇！

09.10.08 星期四

今朝7點唔夠就俾阿仔叫醒左，為左遷就佢d食飯時間，大多數未夠8點都唔會開奶住，如果阿仔太肚餓而扭計就另計，e家通常抱佢上床，佢有佢搵野玩或者玩我，我就多數都扮瞓(不過無次成功)，hea到差唔多夠鐘先起身換片開奶奶，好彩咁耐以黎，阿仔都無扭計要飲奶，佢有佢飲奶我有我隔離做家務，每朝既生活模式都差不多係咁。

煲粥期間，豬仔him通常都係睇教育電視(即noddy)，睇下佢幾專心，不過隻眼仔又係斜入去

食完早餐玩多陣又開始眼瞓樣，梗係啦咁早起身，臨瞓前見婆婆食香蕉佢又要食，睇下個為食樣，好似好驚婆婆會食哂咁，望到條蕉實一實

仲咬鬼咁大啖

仲食得好鬼快添，呢頭咬完一大啖，咁快又咬另一啖

食哂成條蕉都要望下枱面仲有無，真係邊有人咁為食架

食完蕉，都唔駛10分鐘已經瞓得好林，今日好乖乖呀，瞓左差不多2個幾鐘先起身，休息一陣就開始食粥粥。玩到3點幾又瞓多1個鐘，真係乖仔，媽咪俾你十個叻

到左夜晚，daddy將個玩具拎落黎，阿仔以為有新玩具

玩得幾專心

不過反轉左個玩具又唔肯反番轉喎

個玩具就咁俾人冷落左

叫佢去執番個玩具就睬都唔睬，睇黎要再教育下先得

話咁快今日阿仔14個月大，咁今個月佢學到d咩呢？有無進步呢？等我記低佢先

行路叻左，唯其是每朝都自己衝出門口，近日仲學人加速添

講野叻左，識講好多單字

食野都係唔多肯咬，除左生果粒之外

出街食飯就曳左，成日都坐唔定，食食下又要離開座位行下(係要人抱住佢出去行，唔係自己行)

教左成個月，玩完d玩具要放回原位，初初幾次都肯做，之後就完全睇心情，要繼續教先得

大致上今個月表現都ok，出街都無做咩令我地難堪既事(除左出街食飯時，遇著扭眼瞓會尖叫之外，係咪呢個年齡既小朋友都係咁呢????)，我唔期望阿仔學到好多野，我只希望阿仔身體強壯，無病無痛就ok喇！mama loves you