向台北出發

自亞仔出世後都係一家三口一齊去旅行，對上一次都係兩公婆一齊，今次可算係新嘗試，從未試過掉低老公、亞仔既我實掛死我啦！最近工作都好忙，所以到昨晚先開始執行李，只希望快手快腳執完早d過婆婆度見吓亞仔。

唉.....執完都10點啦，無論如果飛的都要返去見吓亞仔，好彩佢仲未訓啫，有我o係度佢當然唔願訓啦，等佢訓著我又要飛的返屋企，果時已經係12點lu！咪咪摸摸到點幾先上床訓覺，訓5點粒鐘又要起身出發，走來走去都係為見一面。唔好再依依不捨嘞，校媽話事齋唔掉低都掉低咗lor，一於玩盡佢。

我都係時候要準備出門口去機場，有機會再向大家匯報最新情況。