繼續無奈

       今日同Matt SMS ，其中一句，佢話：你已經唔係我所認識嘅你     心馬上涼曬~~~  記得以前我都話過佢已經唔係最初嘅佢，宜家到佢覺得我變咗。（或者佢好耐之前就覺得啦~） 咁耐點會都有嘢係邊咗嘅，但係我邊度變咗呢？

     從佢嘅SMS睇出，佢真係唔care啦，更加唔會啉挽留。

     我根本咩都唔決定，咩都無講過，佢憑咩咩都幫我決定曬，連我都唔知嘅嘢佢都知！！佢呢幾日講嘢都好有玄機，但係我都聽唔明！！

     不過，有一樣我明，佢無心喺呢度啦。攰咗？？厭咗？？或者啦~~ Who knows！

      自習嗰時啉一個我曾經啉過嘅問題：兩個人分手，唔係因為第三者，唔係因為一啲不可抗拒嘅外圍因素，只係一啲誤會，一啲倔強，一啲死要面等等嘅而分開真係好無奈，好無言，好唔值，仲有，好無聊。