同邊個都無所謂？？

        我哋嘅TOM Sir繼30嵗之前single嘅觀點之後，今個星期佢又有新嘢。

        都係關于marriage：結婚？同邊個都一樣！！

        點解？？“真的有那麽重要嗎？？你們想想，你們可以選擇你們的父母嗎？還不是這樣過了這麽久了？？跟誰結婚幷不如你們想像中那麽重要。”“我知道當然有人會說我的爸媽很疼我，但是，要清楚一點，結婚隻是過生活。”

        按照佢咁講，咁係米連拍拖都可以慳翻？？

         呢种觀點完全同我由細到大（起碼依傢）嘅睇法完全相反。我覺得兩個人一齊慢慢變老係一件浪漫嘅事（至少喺我想像中）。話晒係相互扶持，一齊過一世嘅人，點都要認真咁去考慮。

         佢講出咁嘅嘢有可能係因爲佢嘅EX今個星期六結婚。“你一拜天地，我一敗塗地” 呢句當然唔係講佢，Tom Sir 年輕有爲，大把前途。雖然分咗手一年，但應該唔多唔少都有影響，畢竟係6年嘅感情。

          有某一moment，我覺得佢arm。當婚姻生活純粹到隻剩低單調之後，所有浪漫激情都被時間磨平之後，佢嘅講法或者會講得通。現實雖然有好多嘢唔到我哋話事，但係應該仲未灰暗到嗰种程度。不過咁嘅o林法都有好嘅時候，喺好煩好煩嘅時候，用呢個角度去o林嘢，或者會變得簡單啲，可以好過啲。

           唉，又講咗好多离我好遠嘅嘢