曾經•••感動•••

        幾耐之前？ 一年前？兩年前？？具體日子唔記得喇～～但係我念我唔會忘記嗰一次。好平常，好簡單，但係我就係覺得難忘~

         嗰日我哋又喺度買雪糕～我喺綠茶紅豆同牛奶士多啤梨之間念咗好耐，終于揀咗我平時少食噶綠茶紅豆，跟住佢去買～以爲佢會好似平時咁，會買朱古力咖啡。點知，佢買咗牛奶士多啤梨。

 我：咦？？點解你會買呢隻嘅？？你唔係朱古力嘅忠實fans咩？？

 佢：咁樣你米可以食兩隻囉～！蠢～～

      呢啲雖然係好少嘢，但係，我睇重嘅係背後嘅心意。我覺得喺細微處嘅關心特別令人感動。以前一直以爲都係自己去關心人哋，原來都有人喺度關心緊我～

    記得arm開始嗰時，Matt對我好好，好就我，呢啲係Kevin未俾過我嘅。所以，嗰時我真係好唔習慣阿～我仲叫佢唔好對我咁好～！越係幸福就越係無真實感，我惊有一日會失去。果然，依傢佢無以前咁緊張我喇～～

    係因爲時間？我哋一齊2年幾喇～！我未試過拍咁耐拖，所以唔知時間對一段感情有幾大殺傷力～

        對得多，所以厭咗？所以唔耐煩？

        會唔會一直淡落去·····？