某一日想起你

       “一年364日我都過得好平靜，只有呢一日，我會諗起佢……”——“戀空”

      又到呢一日啦～3年前噶今日，係我同N結束既日子。曾經愛得咁勇敢。不畏懼受傷，明知會全盤皆輸，一樣勇往直前！！一開始，我就覺得我同佢會有咩結果（指雙方都真心一齊，維持一至兩年旣時間）。因爲遠距離，因爲佢花心…但係，我都决定，放縱一次，順從自己一次，放弃嗰啲怕影響功課之類旣念法。

      宜家啉翻起，幾咁傻～傻得幾可愛。接近兩年旣時間（已經大大超過我預計旣時間），見面次數十隻手指數得晒～！靠電話同SMS維繫我呢段派拉圖式戀愛。直至分手后，我都仲好掛住佢。直至宜家我都未知分手旣理由，但係，佢既然當時已經暗示，而且我講出來，佢無挽留，咁就够明啦。起碼有一段戀愛，我可以大聲講我曾經放手去愛，我無後悔。

       雖然，分手之後嘅幾個月，佢都有啲糾纏，（我都唔明，既然選擇放手，點解仲要回頭？？？），影響咗我嘅回憶，但係佢都係我一段好重要噶回憶。所以，直至宜家，我都習慣每到某一個時候，就念起佢，念起果時我同佢··· 感覺呢嘀已經唔關愛唔愛改嘅事，無論我有無男友都會係咁。感覺就係我懷念呢段回憶。一年一度～