嬲怒週末

八月二日 (六) - 嬲

今日原本去酒店簽約，由於我同MY有d重要野唔記得做，迫住要postpone下個星期先簽！

約左MY下午茶，去左世貿新開既龍皇酒家，係"翅哥"開既．食物水準好高，全部新鮮滾熱辣，價錢又唔貴，環境又掂（無敵海景），值得推介！

夜晚俾人激到一肚氣，好嬲！

八月三日 (日) - 怒

一早同MY過左Harbour City食和花亭，好耐冇食呢間壽司店，都幾好味！

然後睇Mummy，我訓左一陣，不過覺得Isabella真係好靚，英文仲幾好添，羨慕！

夜晚終於試左超級多人排隊既鼎泰豐，我地早去，都唔係等左好耐．叫左烤夫，鹵水牛肚，小籠包，蒜蓉油麥菜，排骨湯麵同甜品赤豆鬆糕．小籠包皮簿餡靚，排骨非常香口鬆化，呢兩樣係我既最愛．我反而覺得好多人讚既赤豆鬆糕麻麻地，略硬而且唔係好夠味．但總括而然食物水準好高，唔怪得咁多人黎食！

又俾人激多次，今個weekend好黑！