小偷

copy from woodstock

呢件真人真事係發生响我朋友身上的, 佢家住東莞樟木頭, 由於國內唔係上到好多香港嘅網詀, 所以我代佢將件事揚出嚟, 以下係佢嘅事發經過 :-

前2日發現種係花園外側ge勒杜鵑俾人偷左一棵，d人咁衰格，激氣都冇用。
點知今日食完午飯之後，忽然有種不安ge感覺，於是行去睡房望出花園，見有個女人係馬路邊行入黎旁邊ge行人路，但係成分鐘都唔見佢經過，馬上意識到有人偷野，跟住見佢同個男人一齊係旁邊走出來，個男人用個袋袋住棵勒杜鵑，尼2個賤人係有備而來(個女人睇水，個男人就去偷)，我立刻推開窗，叫佢"放低"，個男人望住我話"你架"，我再叫佢：棵花唔係你ge"放低"，佢話棵野種係出面，關你乜野事，跟住我老公即係走出花園，同個男賊講：做乜偷我地d花，個男人仲話你做乜種係出面呀！我又唔係偷你d花，種係出面就係公家ge，咁無耻ge說話都講得出，正一賤人。我老公話就算係公家ge你都唔可以偷走，(個男賊ge態度同埋語氣差到不得了)，我老公話要報警，尼個男人就丢返棵花去原先挖出來個位，跟着想走，我老公即刻走出去捉住佢，個男人仲話都俾返你啦！你仲講咁多野，跟住推開我老公，拔足逃跑，我老公追上去唔俾佢走，個男人就推左我老公埋牆仲撞傷左眼角流血添，我見咁ge情形就大叫有賊，同埋打電話報警，有個保安來到问發生乜野事，尼個男人拎張業主証出黎話佢係尼個屋苑ge業主，挖左棵花以為係公家(仲係咁無耻)，都俾返棵野佢啦！仲追住我唔放話要報警，有鄰居出來話公家ge花都唔可以偷，尼個賊就"兇"鄰居話關你乜野事呀！信唔信我打你丫拿。我見尼個賊咁囂張就真係忍無可忍，我揸住部相機同個2個賊講，你2個真係丢盡香港人ge面，對唔住都冇講仲要打人，我巳經影左你地相，我會將你2個ge無耻行為同埋囂張ge態度發放上香港ge網站同埋屋苑ge業主論壇，個女人聽到即時面青唇白，個男人又話打我， 啱啱警察來到睇到佢ge囂張態度，就話偷花好小事，點解攪成咁？我同個警察講你都睇到佢ge態度好差，所以我先至報警，個男人見警察到場就知衰，同我老公講話唔好去差館，我老公話唔得。
個警察同我講，你地香港人ge質素好高格，點解會係尼度偷花。真係俾尼2個賤人丟盡香港人ge面。
請大家睇吓尼2個丢盡香港人ge面ge賤人，笠住頂帽，手揸住個曾經袋住勒杜鵑ge袋，係有晒準備來偷花(佢2個唔係第一次偷野架！唔使同情尼2個賤人)
今次事件去到呢個地步，係佢地自己一手做成，佢2個要撰擇尼個結果，完全係咎由自取。唔係冇俾機會佢2個，叫個男賊3次放低棵花，佢唔肯放低，仲講埋d無耻說話，(一開始佢肯放低棵花即刻走，我同老公係唔會追究)
好彩我平時放定部相機影花，都影到尼2個賊想逃跑ge照片。

有備而來，笠實頂帽，個女賊睇水，男賊掘花仲帶埋個袋袋棵花

想走？草生跨欄而出，追上前

草生捉實佢

男賊見走唔甩，就話：我都俾返棵花你啦！仲講咁多野，(偷野俾人捉到，拎返出黎就想冇事？真係無耻 )如果一開始叫佢"放低"，佢肯放低即刻走，我同草生係唔會追究，叫左3次放低都唔放，仲講埋咁多無耻說話，尼種咁ge人，要佢地受教訓，唔放得

已得到woodstock批准轉載

http://hk.myblog.yahoo.com/yuwaiman814/article?mid=6801