一件好事

冇寫blog十世啦

其實有時都有嘢想寫

不過個人比較懶

唔寫住唔寫住,咪就係甘lor…

投閒置散左3個月

今日要記低阿女一件好事

所以的起心肝

加上今日咩日子丫

國慶後,中秋前

我唔放annual就係要番嚟公司hea…

Hea節目之一就係寫blog!

話說阿女係一個大食+為食積

尋日佢中午時份飲左一盒維他檸檬茶

夜晚食飯, 由於係外賣原故, 跟餐就有凍檸茶,

通常如果佢乖乖地食完個飯, 我都會同佢share個凍檸茶飲…

尋日差唔多食完嘅時候, 佢竟然話: 我唔飲凍檸茶啦, 因為我下晝飲左一盒檸檬茶

實在太感動啦, 我個女幾時變左甘生性gei?! 我即時話佢知, 我要寫blog讚揚下佢…

有個叔叔話佢, 梗係一陣要落街玩, 所以賣口乖!

都好丫, 最後我地都有落街玩左一陣, 而佢又真係冇飲過杯凍檸茶, 仲自己去廚房斟水飲tim!

今次阿女係抵讚

(十年唔逄一閏,不得不將之存檔!)