卜星低上集~ 帶long long 去濕地公園睇神醫

今日係卜星低.... 大家約好左夜晚會去教主同奶媽家開party... 而晏晝我同傑仔, 小恩, Gigi,  long long 去郊遊... 原本一直大家都講好左係去長洲食下風同行下... 點知因為long long 射波一定要睇醫生攞醫生紙.. 而咁不幸一早就已經有好多人排隊睇醫生.. 所以原本約左 10點半.. 最終 1 點先見到long long..  

首先我, 傑仔, 小恩同gigi .. 因為打算去長洲會去中環坐船.. 所以就出左尖沙咀食早餐等long long 睇完醫生出黎...  去地鐵站接long long 時... 睇到地鐵站既poster 宣傳.. 為勉去長洲只係遊船河既關係... 所以大家都好讚成去濕地公園... 不過gigi 就慘d.. 因為佢係由屯門出黎食早餐..... 然後就入返去天水圍.. 去濕地公園

我們成班沙田友.. 完全唔熟呢邊d路.. 連去答輕鐵. 都要問人先識  由mtr 轉西鐵天水圍站再轉坐輕鐵 705 大約 45 mins 就到目的地喇... 

當我地行緊去買門票時.. Long long 電話響, 係佢公司打俾佢丫. 佢死都唔聽啦... 仲提我地facebook 千萬唔好tag 佢今次既相.. 話費事俾同事知佢請病假去左濕地公園... 跟住弱能芝就話 : 你同佢地講. 你d 朋友帶你去濕地公園睇神醫囉.. 笑爆呀... 就係咁.. 之後我地笑左全日....

傑仔影呢張相時. 佢唔肯架... 話好大陸... 車. 去日本JR 都係狂影乜站物站之麻.. 果時又得咁雀躍

未入去前.. 大家黎張大合照先...

買完門票.. 位位 $30 .. 大家入閘喇.. 你睇弱能芝同弱能恩都好興奮咁呀

全日經過貝貝幾次. 佢動都未動過.. 壞疑佢已經無脈搏

入到去. 見到荷花池... 無開花.. 不過都好靚

沿途一邊癲喪, 一邊影相.. 因為原來冬天d 雀仔已經飛走晒... 大家都係一直得個 "行" 字.

我照顧弱能芝中..

我地行緊紅樹林會晃來晃去既橋. 不過一d 都唔好玩

行左兩個幾鐘.. 大約在 5點左右.. 大家都決定走.. 出發去屯門接奶媽放工, 買野飲同蛋糕... 就係行緊出去時.. 狂燥既傑仔出現左................ (好想講.. 但講左出黎.. 我會俾人殺)

臨走前影相 , long long 指定要扮鶴.. 點知佢行到埋去扮.. 完全都唔係果回事.. 唔信, 大家睇下喇..

long long 講緊電話.. 等佢影相時. 就叫傑仔幫我地三個影住先啦..點知出黎既效果超好笑..  我既下半身. 好適合用在 gigi 上身... key 都無咁準

到此一遊.. 好開心.. 多謝我班好朋友. 俾左個咁歡樂既下午我.. 我愛你地

我地返到去天水圍站.. 見到毛主席銅像...

去到屯門市中心.. 今年同傑少既唯一一張有聖誕氣氛D 既相..~~