曼谷5天滿fun團--Day 3(Floating Market )

今日我們一早食完早餐，就準備出發去水上市場啦﹗

點樣去水上市場﹖

我們原定計劃跟網友的方式：1. 乘搭公車 / 2. 參加本地旅遊

最後，我們決定包架的士去。

如果你有在曼谷搭的士，一定會留意到擺放在的士的宣傳單張吧﹗

尋日，我們遊覽完卧佛後，在乘搭的士返酒店途中，一邊睇宣傳單張一邊向司機查詢去水上市場的資料。

司機表現得十分興奮，大贊曼谷有好多景點好好玩等，之後他又不停講自己曾到香港工作的經歷……喂，好似無乜點講水上市場呀﹗

算啦﹗直接問他價錢吧﹗

司機得悉我們有心包車，隨即開價1500B，我們還價1300B，就成交啦﹗我們交換了聯絡電話，約左司機明天早上8點後，已返到酒店啦﹗

泰國有好多水上市場，是本地人的市集，有部份水上市場是早上營業，部份黃昏才營業的，中午因為天氣炎熱，大家都會休息。

我們今次去Damnoen Saduak 水上市場，是曼谷比較鄉郊地區，亦是很多遊客去的水上市場。因為每日營業至中午12點，所以我們一早就要出發啦﹗

但是司機遲遲未到，當大家都急躁時，酒店大使主動為我們打電話聯絡司機，最後司機8:30到達酒店，我們出發啦﹗

車程大約1小時，就到達水上市場啦﹗

今日陽光普照，未夠十點，陽光已經好似團火甘熱啦﹗我們立即去買番頂帽先開始行。

水上市場有好多遊覽船供遊客乘坐、暢遊觀光。你睇，大口好興奮，話要去坐船呀﹗可惜我們無打算去坐。

『嘩﹗有好多新鮮水果售賣呀﹗』阿四都話要同D生果影番張靚相。

天氣甘熱，我地買番杯涼粉冰及芒果食下先﹗

除左這些小食，大家仲可以搵隻煮粉艇，叫阿姐整碗"food 條計"(雞肉河)食下架﹗你睇這位大叔食得幾滋味﹗