避寒之旅: Phuket Similan Island (Day 2)

長途拔涉, 去o左一個好遠嘅島....
點解咁遠都要去?
因為呢個Similan Island係泰國國家保育生態遺產之一, 一年只開放6個月 (NOV-APR)... 
聽聞呢度係世界其中一個好多海龜o黎生蛋嘅地方.....
(可惜我o地遇唔到...)

                     
呢個National Marine Park共有九個島, 其中 No.1-3 係唔開放嘅....
而我o地呢個day tour就會去哂其他個6個小島.... 

                  
保育得好認真......
出海之前有 Briefing.....
碼頭又有軍人守住, 仲有兩隻軍艦泊o左係度...
上船之前, 仲收哂我地d鞋.....
(所以之後, 全日都無鞋著囉!)
    
           
            
到啦到啦..... 去o左浮潛先.....
好多珊瑚同珊瑚魚, 仲有八爪魚.....不過見唔到海龜唷!

           
         
之後去另一個島上沙灘.....
呢度d沙全部都係珊瑚死o左變成, 滑到不得了...好似麵粉咁!!!
隨手仲執到好多珊瑚o忝!

Lunch 之後再去另一個島浮潛.....
(Lunch得好環保, 全部唔係要帶返去洗完再用....)
(食剩嘅就包返哂走, 唔會攞去餵魚... 因為佢地話唔可以餵慣佢地, 破壞佢地求生本能喎! 當然, 旅客都唔可以啦....)

      
         
          
都話上船時比人收起哂鞋..... 所以之後一直都係赤腳.....
去到最後一個小島時.....導遊哥哥話帶我o地爬上石頂睇風景....
"Bear foot?!??" "Yeah, bear foot is better!"
咁咪上囉..... 嘩.....又爬石, 又爬樹....真係不得了.....
原來我腳板都幾忍得痛o架囉.....
不過爬到上去, 又真係幾靚....痛少少都值得上去!!!