第一次的戶外SHoW

              (注意: 個人網誌分享, 歡迎留言, 請勿轉貼, 多謝合作!)

一直都好嚮往台灣演唱會嗰種氣氛.....
戶外、企位、又跳又叫、盡情享受......
同平時香港那種呆呆坐住一整夜嘅音樂會, 感覺好唔同....
今次教院嘅校園Show, 終於可以比我一嘗所願..... 
當我去到見到個場, 個show都未開始, 我已經暗暗興奮!!!
(居然唔記得帶相機, 用手機影咋... 影唔到*古生*個樣, 影氣氛都好啦!!!)

                  

排隊入場之際, 響起熟悉嘅歌曲.....
原來*古生*彩排呀......
當然*基*不可失, 即刻走去睇下啦....
趁著歌與歌中間嘅空檔, 齊齊叫o左佢一聲:
"基仔~~~!!!" "(用咪講: )咦, 係邊?! (抬頭左右望) 哈! 喂... 著多件衫呀, 你o地....."
嘩, 即刻心都暖埋啦....... 之後甜哂咁返去繼續排隊。
         

開Show啦, 本來坐係後排嘅我o地, 立即比前面起哄嘅fans擋住哂.....
咁...... 我地就跪起身睇啦..... 之後, 更索性企起身fing螢光棒..... (反正後面都無人!)
(仲有螢火虫"摟"我o地, 好驚喜!! 我第一次係hk見到螢火虫咋, 仲要咁近!!!)
螢光棒都唔夠玩, 我o地開埋燈牌, 由 Kary 到 RubberBand 到 小肥 到 Stephy....
我估其他Artist d fans, 一定覺得我o地係傻o架囉!!! (不過我o地真係玩得好盡情)
(但...... 到*古生*出場時, 我已經手軟.... )

開場時: (小肥唱歌中...)
           

壓軸*古生*唱友共情, d人走哂上台前......
           

徇眾要求, Encore清唱勁歌金曲時, 我又走返去後排..... (睇住d袋 )
           

           Outdoor Show + 傻友們 + *古生* + 好天氣 + 螢火虫 + 燈牌 + 螢光棒
                                                     = 
                                                 盡情嘅一夜

       ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
傻友係youtube搵到*古生*encore清唱片段, 攪笑呀!!! (係咪咁無記性架 )